27.10.2026 | 00:08
Վարդան Մինասյանն աշխատանքի է անցել Լիբանանում
Մենք ձեռնարկում ենք անհրաժեշտ քայլեր՝ կանխելու արյունալի սցենարները, որոնք փորձում են իրականացնել մեր տարածաշրջանում. Էրդողան
Քաղաքականություն
13.03.2026 | 23:44
Թուրքիայի նախագահ Ռեջեփ Թայիփ Էրդողանը, մեկնաբանելով ԱՄՆ-ի և Իսրայելի հարվածները Իրանի ուղղությամբ, հայտարարել է, որ անհրաժեշտ է կանգնեցնել պատերազմը, նախքան այն կընդլայնվի և իր կրակով կծածկի ողջ տարածաշրջանը։ Թուրքիաի նախագահը այս մասին խոսել է իշխող «Արդարություն և զարգացում» կուսակցության խորհրդարանական խմբակցության նիստում։
«Թուրքիան այնպիսի երկիր է, որը չի անտեսում իր շուրջ տեղի ունեցող ճգնաժամերը և նման իրավիճակներում երես չի թեքում իր ընկերներից և եղբայրներից»,- Anadolu-ի փոխանցմամբ՝ նշել է Էրդողանը։
Նա հավելել է, որ Թուրքիան շարունակում է ակտիվ ջանքերը՝ կողմերին բանակցությունների սեղան վերադարձնելու և դիվանագիտական գործընթացը վերականգնելու համար։
Թուրքիայի նախագահը ընդգծել է, որ Անկարան հանդես է գալիս ամբողջ տարածաշրջանում լարվածության թուլացման, խաղաղության և կայունության հաստատման օգտին։
«Հաշվի առնելով ստեղծված իրավիճակի զգայունությունը՝ մենք խոսում ենք չափազանց զգուշավոր։ Մենք գործում ենք զուսպ՝ մեր շուրջ բռնկված հրդեհից Թուրքիան պաշտպանելու համար։ Մենք ձեռնարկում ենք անհրաժեշտ քայլեր՝ կանխելու արյունալի սցենարները, որոնք փորձում են իրականացնել մեր տարածաշրջանում»,- ասել է նա։
Էրդողանը հավելել է նաև, որ Թուրքիան հարգում է բոլոր երկրների ինքնիշխանությունը, սակայն չի հանդուրժի իր տարածքային ամբողջականության նկատմամբ որևէ ոտնձգություն։
