17.08.2026 | 23:08
Զորականում և Ամասիայում շչակներ են փորձարկվելու
Թրամփը հայտարարել է, որ ԱՄՆ-ը հաջորդ շաբաթ ուժեղ հարված կհասցնի Իրանին
Քաղաքականություն
13.03.2026 | 20:22
ԱՄՆ նախագահ Դոնալդ Թրամփը հայտարարել է, որ ԱՄՆ ուժերն առաջիկա օրերին ինտենսիվ հարվածներ կհասցնեն իրանական թիրախներին, քանի որ Մերձավոր Արևելքի տարածաշրջանում ծավալված պատերազմը մտնում է իր երրորդ շաբաթը, գրում է France24-ը։
«Մենք հաջորդ շաբաթվա ընթացքում շատ ուժեղ հարվածներ ենք հասցնելու նրանց»,- ասել է Թրամփը Fox News Radio-ին։
Նա վստահություն է հայտնել, որ «Իրանի ժողովուրդը կկանգնի ոտքի և կփոխի իր կառավարությունը ամերիկյան և իսրայելական ռազմական հարվածներից հետո», միևնույն ժամանակ, հավելել, որ դա կարող է տեղի չունենալ անմիջապես։
«Ես իսկապես կարծում եմ, որ դա մեծ խոչընդոտ է այն մարդկանց համար, ովքեր զենք չունեն։ Կարծում եմ՝ դա շատ մեծ խոչընդոտ է։ Դա տեղի կունենա, բայց, հավանաբար, ոչ անմիջապես»,- ասել է նա։
Թրամփը նաև կարծում է, որ Ռուսաստանի նախագահ Վլադիմիր Պուտինը, հնարավոր է, «մի փոքր» օգնում է Իրանին։
«Կարծում եմ՝ նա կարող է մի փոքր օգնել նրան (Իրանին), այո, կարծում եմ։ Եվ նա, հավանաբար, կարծում է, որ մենք օգնում ենք Ուկրաինային, այնպես չէ՞»,- ասել է ԱՄՆ նախագահը։
Մի քանի լրատվամիջոցներ հաղորդել են, որ Ռուսաստանը տեղեկատվություն է տրամադրում Իրանին՝ ընթացիկ հակամարտության ընթացքում ԱՄՆ ուժերին հարվածելու համար։
Թարգմանությունը՝ Էմմա Չոբանյանի
