10.06.2026 | 20:13
Վալերի Ծառուկյանը հեռացել է «Ախմատից»
ՄԱԿ-ի գլխավոր քարտուղարը Լիբանան է ժամանել «համերաշխության» այցով
Քաղաքականություն
13.03.2026 | 17:37
ՄԱԿ-ի գլխավոր քարտուղար Անտոնիո Գուտերեշը հայտարարել է, որ ժամանել է Լիբանանի մայրաքաղաք Բեյրութ՝ «համերաշխության» այցով, որտեղ Մերձավոր Արևելքի պատերազմը մարտի 2-ից ի վեր խլել է ավելի քան 687 մարդու կյանք, գրում է France 24-ը։
«Ես հենց նոր ժամանեցի Բեյրութ՝ Լիբանանի ժողովրդի հետ համերաշխության այցով։ Նրանք չեն ընտրել այս պատերազմը, նրանց ներքաշել են դրա մեջ։ ՄԱԿ-ը և ես ջանք չենք խնայի՝ ձգտելու այն խաղաղ ապագային, որին Լիբանանը և այս տարածաշրջանն այդքան արժանի են»,- X-ում ասել է ՄԱԿ-ի գլխավոր քարտուղարը։
Լիբանանն անցյալ շաբաթ ներքաշվեց Մերձավոր Արևելքի պատերազմի մեջ, երբ Իրանի կողմից աջակցվող «Հըզբոլլահ» շարժումը հարձակվեց Իսրայելի վրա՝ ի պատասխան ԱՄՆ-ի և Իսրայելի հարվածների հետևանքով Իրանի գերագույն առաջնորդ այաթոլլահ Ալի Խամենեիի սպանության։
Իսրայելը ուրբաթ ընդլայնել է իր հարվածները Լիբանանում՝ թիրախավորելով մի քանի տարածքներ, այդ թվում՝ Լիթանի գետի վրայի կամուրջը, որը, ըստ Իսրայելի, «Հըզբոլլահ»-ն օգտագործում էր որպես անցուղի իր մարտիկների համար։
Թարգմանությունը՝ Էմմա Չոբանյանի
