23.07.2026 | 11:30
Զինծառայողի մահվան գործով երկու համածառայակցի նկատմամբ քրեական հետապնդում է հարուցվել
3 ուժ ԿԸՀ-ում օգտահաշիվ է բացել ընտրություններին մասնակցության հայտ ներկայացնելու համար
Քաղաքականություն
13.03.2026 | 13:56
Հունիսի 7-ի խորհրդարանական ընտրություններին ընդառաջ երեք քաղաքական ուժ դիմել է Կենտրոնական ընտրական հանձնաժողովին ընտրություններին մասնակցության հայտ լրացնելու օգտահաշիվ բացելու համար։ Այս մասին Factor.am-ի հարցմանն ի պատասխան հայտնել է ԿԸՀ խոսնակ Սեդա Ղուկասյանը։
Այդ ուժերն են Գագիկ Ծառուկյանի ղեկավարած «Բարգավաճ Հայաստան» կուսակցությունը, Լևոն Շիրինյանի «Քրիստոնեադեմոկրատական» կուսակցությունը և Հայկ Գրիգորյանի «Ազգային առաջընթաց» կուսակցությունը։
Նշենք, որ ընտրություններին մասնակցելու հայտերը ներկայացվում են էլեկտրոնային եղանակով, ինչի համար անհրաժեշտ է նախապես օգտահաշիվ բացել։ Սակայն, օգտահաշիվ բացելու փաստը չի ենթադրում ընտրություններին մասնակցության հայտի պարտադիր ներկայացում։
Նարեկ Կիրակոսյան
