16.09.2026 | 13:57
100 տոկոսով անբարեխղճություն է. Վահագն Ալեքսանյանը պնդում է` գերիների թեմայով իր խոսքը խեղաթյուրել են․ ՏԵՍԱՆՅՈՒԹ
Իրանական ԱԹՍ-ն հարվածել է Դուբայի միջազգային ֆինանսական կենտրոնի շենքին. ՏԵՍԱՆՅՈՒԹ
Քաղաքականություն
13.03.2026 | 12:34
Իրանական անօդաչու թռչող սարքը հարվածել է Դուբայի միջազգային ֆինանսական կենտրոնին (DIFC)։ Ծխի մեծ սյուն է բարձրացել Դուբայի կենտրոնական մասում։ Արաբական Միացյալ Էմիրությունների իշխանությունները հայտարարել են, որ իրենց հակաօդային պաշտպանությունն արձագանքում է հրթիռային սպառնալիքին։
Հաղորդվում է նաև, որ Դուբայի կենտրոնում գտնվող շենքը վնասվել է կասեցված հարձակման բեկորներից, հայտնում է կառավարության մամուլի ծառայությունը՝ Մերձավոր Արևելքի ֆինանսական կենտրոնում տեղի ունեցած պայթյուններից հետո:
AFP-ի թղթակիցը նկարագրել է, որ հզոր կրկնակի պայթյուն է լսել, որը ցնցել է շենքերը և կենտրոնական թաղամասի վրա թողել սև ծխի մեծ ամպ։ Դուբայի կառավարության մամուլի գրասենյակը հաստատում է, որ շենքին հարվածվել են։ Մերձավոր Արևելքի պատերազմի ընթացքում Արաբական Միացյալ Էմիրությունների հակաօդային պաշտպանությունը որսացել է ավելի քան 1500 իրանական անօդաչու թռչող սարք և մոտ 300 հրթիռ:
«Իշխանությունները հաստատում են, որ հաջողությամբ խափանված անօդաչու ինքնաթիռի բեկորները փոքր միջադեպ են առաջացրել Դուբայի կենտրոնում գտնվող շենքերից մեկի ճակատին»,- X-ում գրել է մամուլի գրասենյակը՝ հավելելով, որ վիրավորների մասին տեղեկություններ չկան։
Թարգմանությունը` Էմմա Չոբանյանի
