27.10.2026 | 00:08
Վարդան Մինասյանն աշխատանքի է անցել Լիբանանում
Թուրքիայի հյուսիսում 5,5 մագնիտուդով երկրաշարժ է տեղի ունեցել. ՏԵՍԱՆՅՈՒԹ
Քաղաքականություն
13.03.2026 | 11:23
Թուրքիայի հյուսիսային Թոքաթ նահանգի Նիկսար շրջանում տեղի է ունեցել 5.5 մագնիտուդով երկրաշարժ, որը խուճապ է առաջացրել բնակիչների շրջանում։ Լուրջ ավերածությունների կամ զոհերի մասին դեռևս տեղեկություններ չկան։ Այս մասին հայտնում են տեղական իշխանությունները և արտակարգ իրավիճակների ծառայության պաշտոնյաները։
Աղետների և արտակարգ իրավիճակների կառավարման վարչության (AFAD) հրապարակած տվյալները ցույց են տվել, որ ցնցումը տեղի է ունեցել տեղական ժամանակով 03:35-ին՝ 6,37 կիլոմետր խորության վրա: Երկրաշարժի էպիկենտրոնը գտնվել է Նիկսարում։ Ցնցումը զգացվել է նաև մի քանի հարևան նահանգներում, այդ թվում՝ Սամսունում, Չորումում, Ամասիայում և Սինոփում, ինչի պատճառով որոշ բնակիչներ գիշերը դուրս են եկել իրենց տներից:
Թոքաթի նահանգապետ Աբդուլլահ Քոքլուն ասել է, որ երկրաշարժից անմիջապես հետո AFAD խմբեր են ժամանել՝ շրջաններում և գյուղերում վնասի նախնական գնահատականների համար։ Նրա խոսքով՝ նախնական ստուգումները որևէ խոշոր ավերածություն չեն արձանագրել։ Պաշտոնյաները հայտնել են աննշան կառուցվածքային խնդիրների մասին, այդ թվում՝ որոշ դպրոցներում սվաղի ճաքերի և մի քանի շենքերում փոքր վնասների մասին։
Թոքաթի քաղաքապետ Մեհմեթ Քեմալ Յազըջիօղլուն, իր հերթին, ասել է, որ երկրաշարժը զգացվել է ամբողջ տարածաշրջանում։
Սամսունի AFAD-ի նահանգային գրասենյակը հաստատել է, որ երկրաշարժից հետո ուսումնասիրությունները շարունակվում են՝ վերահաստատելով, որ տուժած նահանգներում լուրջ բացասական հետևանքներ չեն գրանցվել։
Թարգմանությունը՝ Էմմա Չոբանյանի
