Քաղաքականություն
13.03.2026 | 14:57
ԱՄՆ Պետքարտուղարությունը 2026 թվականի մարտի 12-ին թարմացրել է իր՝ Ադրբեջանի համար ճանապարհորդական նախազգուշացումը, որն արտացոլում է, որ Ադրբեջանի համար ճանապարհորդական նախազգուշացման մակարդակը 2-րդ մակարդակից բարձրացվել է 3-րդ մակարդակ։ Սա փոխարինում է 2025 թվականի մայիսի 21-ին հրապարակված նախորդ ճանապարհորդական նախազգուշացմանը։
Ռիսկի ցուցանիշների մեջ փոփոխություններ չեն եղել: Ընդգծվում է Ադրբեջան ճանապարհորդելու հնարավորությունը վերանայելու մասին՝ ահաբեկչության, զինված հակամարտության և ականապատ տարածքների վտանգի պատճառով: Որոշ տարածքներում ռիսկը բարձրացել է:
Ըստ հաղորդագրության՝ չպետք է ճանապարհորդել դեպի Հարավային սահմանային շրջան՝ զինված հակամարտության վտանգի պատճառով (եթե դա Իրանից լավագույն ցամաքային ելքը չէ), ինչպես նաև Հայաստանի հետ սահման՝ ականապատ տարածքների վտանգի պատճառով, Նախկին խորհրդային ժամանակաշրջանի Լեռնային Ղարաբաղի ինքնավար մարզ և հարակից տարածքներ՝ ականապատ տարածքների պատճառով:
Հաղորդվում է, որ փետրվարի 28-ին Միացյալ Նահանգների և Իրանի միջև ռազմական գործողությունների սկսվելուց հետո Իրանից անօդաչու թռչող սարքերի և հրթիռային հարձակումների շարունակական սպառնալիք կա, հիշատակվում է նաև մարտի 5-ին Նախիջևանի միջազգային օդանավակայանում անօդաչու թռչող սարքի հարվածը։ Առևտրային չվերթները նույնպեպս լրջորեն խափանվել են։
Թարգմանությունը՝ Էմմա Չոբանյանի
