27.10.2026 | 00:08
Վարդան Մինասյանն աշխատանքի է անցել Լիբանանում
ԱՄՆ-ն կզղջա իր «լուրջ սխալի» համար. Լարիջանի
Քաղաքականություն
12.03.2026 | 22:21
Իրանի ազգային անվտանգության բարձրագույն խորհրդի գլխավոր քարտուղար Ալի Լարիջանին հայտարարել է, որ իր երկիրը չի դադարեցնի պայքարը, քանի դեռ ԱՄՆ-ը չի զղջացել «լուրջ սխալի» համար, որը կատարել է ռազմական գործողություն սկսելով:
«ԱՄՆ նախագահ Դոնալդ Թրամփը հայտարարել է, որ ձգտում է արագ հաղթանակի։ Պատերազմ սկսելը հեշտ է, բայց մի քանի թվիթերով հնարավոր չէ հաղթել: Մենք չենք հանգստանա, քանի դեռ չենք ստիպել ձեզ զղջալ այս լուրջ սխալի համար»,- գրել Է նա X-ի իր միկրոբլոգում։
Իրանի նոր գերագույն առաջնորդ Մոջթաբա Խամենեին ավելի վաղ ժողովրդին ուղղված իր ուղերձում կոչ էր արել Իրանի ժողովրդին միասնության և նշել, որ Իրանը չի հրաժարվի հակամարտության ընթացքում զոհվածների համար վրեժխնդրությունից։
Խամենեին ասել է, որ պատերազմի ընթացքում «Իրանի ժողովրդի միասնությունն ու ներկայությունը ցույց են տվել նրանց վճռականությունը», և նա կոչ է արել շարունակել հանրության մասնակցությունը քաղաքական, սոցիալական և ազգային հարցերում։ Նա նաև կոչ է արել իրանցիներին պահպանել համերաշխություն և աջակցել միմյանց հակամարտության ընթացքում։
Խամենեին ասել է, որ Իրանը ուսումնասիրում է իր հակառակորդների դեմ նոր ճակատներ բացելու հնարավորությունը, եթե պատերազմը շարունակվի։ Թեհրանն, ըստ նրա, կպահանջի փոխհատուցում հակամարտության ընթացքում պատճառված վնասների համար և զգուշացրել, որ եթե փոխհատուցումները չվճարվեն, Իրանը միջոցներ կձեռնարկի «իր թշնամիների ակտիվների դեմ կամ կոչնչացնի դրանք»։
