17.08.2026 | 23:08
Զորականում և Ամասիայում շչակներ են փորձարկվելու
Թրամփը հայտարարել է, որ ԱՄՆ-ը «շատ գումար» է վաստակում, երբ նավթի գները բարձրանում են
Քաղաքականություն
12.03.2026 | 21:09
Մոտավորապես նույն ժամանակ, երբ Իրանի կողմից հեռարձակվել է նոր գերագույն առաջնորդ Մոջթաբա Խամենեիիի հայտարարությունը, ԱՄՆ նախագահ Դոնալդ Թրամփը սոցիալական ցանցերում գրել է, որ Վաշինգտոնը կարող է շահույթ ստանալ համաշխարհային էներգակիրների գների աճից, գրում է BBC-ն։
«Միացյալ Նահանգները, անկասկած, աշխարհի ամենամեծ նավթ արտադրողն է, ուստի երբ նավթի գները բարձրանում են, մենք շատ գումար ենք վաստակում։ Սակայն ինձ համար՝ որպես նախագահի, շատ ավելի մեծ հետաքրքրություն և կարևորություն ունի չար կայսրության՝ Իրանի միջուկային զենք ունենալը դադարեցնելը և Մերձավոր Արևելքն ու ամբողջ աշխարհը ոչնչացնելը։ Ես երբեք թույլ չեմ տա, որ դա տեղի ունենա»,- գրել է նա իր Truth Social հարթակում։
Այս մեկնաբանությունները հնչում են այն ժամանակ, երբ Թրամփը փորձում է նվազեցնել նավթի գները և շուկայի անկայունությունը, որը պայմանավորված է Իրանի հետ հակամարտությամբ։
Միջազգային էներգետիկ գործակալությունը (ՄԷԳ) նախազգուշացնում է, որ աշխարհը կարող է բախվել «գլոբալ նավթային շուկայի պատմության մեջ մատակարարման ամենամեծ խափանմանը»՝ նավագնացության ուղիների վրա Իրանի կողմից հարձակումների ակտիվացման ֆոնին։
Չորեքշաբթի Միջազգային էներգետիկ գործակալության անդամ երկրները համաձայնել են իրենց պաշարներից 400 միլիոն բարել նավթ բաց թողնել։
Թարգմանությունը՝ Էմմա Չոբանյանի
