26.10.2026 | 19:11
«Յանդեքս»-ը ուկրաինական ԱԹՍ-ների հարձակումներից հետո իր երեք գերհամակարգիչները նոր վայր է տեղափոխել
Մայք Թայսոն. Հաճույքով կմենամարտեի Ուսիկի հետ
12.03.2026 | 18:29
Ամերիկացի լեգենդար բռնցքամարտիկ Մայք Թայսոնը կարծիք է հայտնել պրոֆեսիոնալ բռնցքամարտի սուպերծանր քաշային կարգում աշխարհի բացարձակ չեմպիոն, ուկրաինացի Ալեքսանդր Ուսիկի մասին։
«Ես հաճույքով կմենամարտեի Ուսիկի հետ։ Հոլիֆիլդը հիանալի պայքար կմղեր նրա դեմ։ Դա այլ ժամանակաշրջան էր․ հաղթելու համար պետք էր գրեթե սպանել այդ տղաներին։ Անհնար էր նրանց հաղթել ու ռինգից դուրս գալ առանց պատռվածքի։ Մենք ավելի ակտիվ էինք։ Տարվա մեջ չորս անգամ պաշտպանում էինք տիտղոսը։ Հիմա բռնցքամարտիկները տիտղոսը պաշտպանում են երկու տարին մեկ անգամ։ Այնպես որ, Ուսիկը դեռ բավականին ակտիվ է ժամանակակից ծանր քաշայինների համար»,- Մայք Թայսոնի խոսքը մեջբերում է The Ring-ը։
Ալեքսանդր Ուսիկը հաջորդ մենամարտն անցկացնելու է մայիսի 23-ին Եգիպտոսում՝ մրցելով նիդերլանդցի քիքբռնցքամարտիկ Ռիկո Վերհուվենի հետ։ Ուկրաինացին նախորդ մենամարտն անցկացրել է 2025թ․ հունիսին՝ 5-րդ ռաունդում նոկաուտով հաղթելով Դանիել Դյուբուային։ Պրոֆեսիոնալ ռինգում Ուսիկն ունի 24 մենամարտ ու նույնքան հաղթանակ։
