27.10.2026 | 00:08
Վարդան Մինասյանն աշխատանքի է անցել Լիբանանում
ՀՀ-ն միակ երկիրն է, որի հետ ԵՄ-ն վիզաների ազատականացման երկխոսություն է վարում․ Բրուներ․ ՏԵՍԱՆՅՈՒԹ
Քաղաքականություն
12.03.2026 | 14:54
«Կարևոր ժամանակ է մեր հարաբերությունների համար, որովհետև Եվրոպական միությունը մտադրված է ավելի խորացնել համախոհ երկրների, գործընկերների հետ շփման կապերը և դա է նաև պատճառը, որ ես այսօր այստեղ եմ՝ ավելի խորացնելու մեր համագործակցությունը»,- այս մասին ՆԳ նախարարի հետ համատեղ ասուլիսի ժամանակ հայտարարեց Ներքին գործերի և միգրացիայի հարցերով Եվրոպական հանձնակատար Մագնուս Բրուները։
«Հայաստանը միակ երկիրն է, որի հետ Եվրոպական միությունն այժմ վարում է վիզաների ազատականացման շուրջ երկխոսություն։ Արդեն մոտ 60 երկիր կա, որոնք ազատված են վիզաների պահանջից Եվրոպական միություն մուտք գործելու համար, և սա ես դիտարկում եմ որպես հնարավորություն բացելու դռներն ավելի սերտ հարաբերությունների համար տարբեր ոլորտներում՝ առևտրի, ներդրումների, հետազոտությունների, կրթության, ինչպես նաև մշակութային կապերի համար նույնպես»,-նշեց նա։
Բրուների խոսքով՝ վիզաների ազատականացումն ավելի հեշտ և բավականին մատչելի կդարձնի ճամփորդությունները դեպի Եվրոպա կարճաժամկետ նպատակներով, և սա երկկողմ հետաքրքրությունների դաշտում է։
Մանրամասները՝ տեսանյութում։
