17.08.2026 | 23:08
Զորականում և Ամասիայում շչակներ են փորձարկվելու
Հայաստանը շոշափելի առաջընթաց է արձանագրել վիզաների ազատականացման գործընթացում․ ՆԳ նախարար․ ՏԵՍԱՆՅՈՒԹ
Քաղաքականություն
12.03.2026 | 14:33
Հայաստանում է Եվրոպական Միության ներքին գործերի և միգրացիայի առաջին հանձնակատար Մագնուս Բրուները։ Եվրոպացի պաշտոնյան այսօր համատեղ ասուլիսով է հանդես եկել ՀՀ Ներքին գործերի նախարար Արփինե Սարգսյանի հետ։
Նախարարի խոսքով՝ Հայաստանի և Եվրոպական Միության համագործակցությունը տարիների ընթացքում ձևավորվել է որպես վստահության և ընդհանուր արժեքների վրա հիմնված գործընկերություն։ Համագործակցությունը ընդգրկում է մի շարք կարևոր ուղղություններ՝ միգրացիայի կառավարում, կազմակերպված հանցավորության դեմ պայքար, ոստիկանության ոլորտի բարեփոխումներ, մարդու իրավունքների ոլորտի բարեփոխումներ և այլն։
«Հանձնակատար Բրուների հետ քննարկել ենք Հայաստանի և Եվրոպական Միության միջև համագործակցության ընդլայնման հնարավորությունները, հատկապես միգրացիայի և անվտանգության ոլորտներում։ Առանձնահատուկ անդրադարձ կատարվեց նաև վիզաների ազատականացման երկխոսությանը, որը մեր քաղաքացիների համար կարևոր և սպասված գործընթաց է»,-նշեց նա։
Սարգսյանի խոսքով՝ երկխոսության մեկնարկից ի վեր Հայաստանն արդեն իսկ արձանագրել է շոշափելի առաջընթաց։
Մանրամասները՝ տեսանյութում։
