10.10.2026 | 17:44
Հայաստանի կրտսեր տարիքի պատանիների հավաքականը Եվրոպայի ստուգատեսում կունենա 17 բռնցքամարտիկ
Պենտագոնն Իրանի հետ պատերազմի առաջին վեց օրերի ծախսը գնահատել է 11,3 միլիարդ դոլար
Քաղաքականություն
12.03.2026 | 16:08
ԱՄՆ սենատոր Քրիս Քունսը հայտարարել է, որ լրատվամիջոցների հրապարակումները, թե Իրանի պատերազմի առաջին վեց օրերը Միացյալ Նահանգներին 11,3 միլիարդ դոլար է արժեցել, «մոտավորապես ճշգրիտ» են, գրում է DW-ն։
Դեմոկրատ սենատորը պաշտպանական հատկացումների հարցերով զբաղվող ենթահանձնաժողովի անդամ է։
ԱՄՆ լրատվամիջոցները հաղորդել են, որ Պենտագոնի նախնական զեկույցում Իրանի հետ պատերազմն առաջին վեց օրերի ընթացքում արժեցել է առնվազն 11 միլիարդ դոլար։ Պենտագոնն իր գնահատականը ներկայացրել է այս շաբաթվա սկզբին կայացած ճեպազրույցի ժամանակ։
Լրագրողի հարցին՝ արդյո՞ք 11,3 միլիարդ դոլարի հաշվարկում հաշվի են առնվել այնպիսի ծախսեր, ինչպիսին է ԱՄՆ-ի ռազմական ներկայությունը Մերձավոր Արևելքում, Քունսը պատասխանել է, որ կարծում է՝ «ներկայիս ընդհանուր օպերատիվ թիվը զգալիորեն գերազանցում է այդ ցուցանիշը»։
Պենտագոնը նախկինում հայտնել էր, որ Իրանի հետ ԱՄՆ-Իսրայել պատերազմի առաջին շաբաթավերջին միայն զինամթերքի վրա ծախսել է 5 միլիարդ դոլար։
Թարգմանությունը՝ Էմմա Չոբանյանի
