12.03.2026 | 13:45
Դա սադրանք է եղել. Փաշինյանը` Գզոյանի` Վենսին տված նվերի մասին. ՏԵՍԱՆՅՈՒԹ
«Մենք հաղթեցինք պատերազմում, բայց պետք է գործն ավարտին հասցնենք». Թրամփ
Քաղաքականություն
12.03.2026 | 12:05
ԱՄՆ նախագահ Դոնալդ Թրամփն հայտարարել է, որ անցյալ տարի Իրանի Իսլամական Հանրապետության միջուկային օբյեկտներին հասցված ամերիկյան հարվածները «ոչնչացրին Իրանի միջուկային ներուժը»։
«Բայց հետո նրանք նորից սկսեցին»,- ասել է Թրամփը Կենտուկիում կայացած հանրահավաքի ժամանակ։
Նրա պնդմամբ՝ Իրանին հաջողվել է սկսել իր միջուկային ծրագրի վերակառուցումը, այն բանից հետո, երբ ինքը ոչնչացրել է նրանց «ներուժը»։
«Ահա թե ինչու մենք պետք է այն ավարտենք։ Մենք չենք ուզում վերադառնալ երկու տարին մեկ»,- ասում է Թրամփն այս պատերազմի մասին։
Նա հայտարարել է նաև, թե ԱՄՆ-ը հաղթել է Իրանի պատերազմում և «գործնականում ոչնչացրել Իրանը», բայց կմնան պայքարում՝ աշխատանքն ավարտելու համար։
«Մենք չենք ուզում շուտ հեռանալ, այնպես չէ՞։ Երբեք չես սիրում շատ շուտ ասել, որ հաղթել ես։ Մենք հաղթել ենք։ Առաջին ժամվա ընթացքում ամեն ինչ ավարտվեց»,- ասել է Թրամփը։
Թարգմանությունը՝ Էմմա Չոբանյանի
