27.10.2026 | 00:08
Վարդան Մինասյանն աշխատանքի է անցել Լիբանանում
Իրանը հայտարարել է, որ «ոչ մի լիտր» նավթ չի անցնի Հորմուզի նեղուցով
Քաղաքականություն
11.03.2026 | 20:50
Իրանի զինված ուժերը հայտարարում են, որ Հորմուզի նեղուցում թիրախավորվելու է Միացյալ Նահանգներին, Իսրայելին կամ նրանց դաշնակիցներին պատկանող ցանկացած նավ, գրում է DW-ն։
«Նավերը կհամարվեն օրինական թիրախներ»,- պետական հեռուստատեսությամբ հեռարձակված հայտարարության մեջ ասել է բանակի կենտրոնական օպերատիվ հրամանատարության՝ Խաթամ ալ-Անբիայի ներկայացուցիչը։
Նշվում է, որ իրանական ուժերը «թույլ չեն տա, որ անգամ մեկ լիտր նավթ անցնի» Հորմուզի նեղուցով, որով անցնում է համաշխարհային նավթի փոխադրումների մոտ 20%-ը։
«Մենք թույլ չենք տա, որ նույնիսկ մեկ լիտր նավթ հասնի ԱՄՆ-ին, սիոնիստներին (Իսրայելին) և նրանց գործընկերներին։ Նրանց հետ կապված ցանկացած նավ կամ լցանավ կլինի օրինական թիրախ։ Պատրաստվեք, որ նավթի մեկ բարելի գինը կհասնի 200 դոլարի, քանի որ նավթի գինը կախված է տարածաշրջանային անվտանգությունից, որը դուք ապակայունացրել եք»,- ասել է Էբրահիմ Զոլֆաքարին։
Իրանի և Օմանի միջև գտնվող նեղուցի ամենանեղ հատվածում լայնությունն ընդամենը 33 կիլոմետր է (21 մղոն), ինչը նավերը դարձնում է իրանական անօդաչու թռչող սարքերի և հրթիռների համար հեշտ թիրախ։
Չորեքշաբթի նեղուցի մոտակայքում անհայտ արկերով հարված է հասցվել երեք բեռնատար նավի, որոնցից մեկը բռնկվել է։
Թարգմանությունը՝ Էմմա Չոբանյանի
