24.04.2026 | 23:32
Կապանում ջրանջատում կլինի
Իսպանիան հետ է կանչում Իսրայելում իր դեսպանին
Քաղաքականություն
11.03.2026 | 19:48
Իսպանիայի կառավարությունը որոշել է հետ կանչել Իսրայելում իր դեսպանին։ Թագավորության Արտաքին գործերի նախարարության աղբյուրը հայտնել է, որ Թել Ավիվում Իսպանիայի դեսպանատունը կղեկավարի գործերի ժամանակավոր հավատարմատարը։
Իսպանիայի և Միացյալ Նահանգների միջև հարաբերությունները «նորմալ են գործում», չնայած ԱՄՆ նախագահ Դոնալդ Թրամփի սպառնալիքներին՝ կրճատել առևտուրը Մադրիդի հետ՝ Իրանի դեմ ամերիկա-իսրայելական պատերազմին Իսպանիայի դեմ լինելու պատճառով, հայտարարել է երկրի արտգործնախարար Խոսե Մանուել Ալբարեսը։
Վարչապետ Պեդրո Սանչեսի ձախակողմյան կառավարությունն անցյալ շաբաթ Թրամփի զայրույթն էր առաջացրել՝ պատերազմն անխոհեմ և անօրինական համարելով, միաժամանակ, արգելելով Թեհրանի դեմ հարձակման ժամանակ ԱՄՆ ինքնաթիռներին օգտագործել համատեղ շահագործվող բազաները Իսպանիայի հարավում։
Խոսե Մանուել Ալբարեսը լրագրողներին ասել է, որ Վաշինգտոնում Իսպանիայի դեսպանատունը և Մադրիդում ԱՄՆ դեսպանատունը գործում են «բացարձակ նորմալ» ռեժիմով։
«Վաշինգտոնում մեր դեսպանատունը գործում է բնականոն և ունի բոլոր այն կապերը, որոնք պետք է ունենա, ինչպես միշտ»,- ասել է նա՝ հավելելով, որ նույնը վերաբերում է նաև Մադրիդում ԱՄՆ դեսպանատանը։
Թրամփը մարտի 3-ին սպառնացել էր Մադրիդի նկատմամբ առևտրային էմբարգո կիրառել՝ նաև հղում անելով վերջինիս կողմից ՆԱՏՕ-ի նոր պաշտպանական ծախսերի նպատակին՝ ազգային ՀՆԱ-ի 5%-ին չհասնելուն։
