27.06.2026 | 16:59
Մեզ մոտենում են արևադարձային տաք օդային հոսանքներ, ջերմաստիճանը կհասնի 35-36 աստիճանի․ Սուրենյան
Եվրահանձնաժողովի ղեկավարը ռուսական գազի գնմանը հնարավոր վերադարձը «ռազմավարական սխալ» է անվանել
Քաղաքականություն
11.03.2026 | 17:29
Եվրոպական հանձնաժողովի նախագահ Ուրսուլա ֆոն դեր Լեյենը հայտարարել է, որ ԵՄ-ի վերադարձը ռուսական գազի գնումներին «ռազմավարական սխալ» կլինի, գրում է Meduza-ն։
«Հաշվի առնելով ներկայիս ճգնաժամը՝ ոմանք պնդում են, որ մենք պետք է հրաժարվենք մեր երկարաժամկետ ռազմավարությունից և նույնիսկ վերադառնանք ռուսական բրածո վառելիքին։ Սա կլինի ռազմավարական սխալ»,- հայտարարել է նա Եվրախորհրդարանում։
Ֆոն դեր Լեյենի խոսքով՝ նման գործողությունները Եվրամիությունը կդարձնեն «ավելի թույլ»։ Նա նշել է, որ Բրյուսելը մշակում է էներգակիրների գների աճի դեմ պայքարի այլ տարբերակներ, այդ թվում՝ գազի գների սուբսիդիաներ։
Եվրամիությունը սկսեց հրաժարվել Ռուսաստանից վառելիքից՝ Ռուսաստան-Ուկրաինա պատերազմի պատճառով: 2021 թվականին ռուսական գազը կազմում էր ԵՄ ներմուծման 45%-ը, իսկ մինչև 2025 թվականն այն նվազել էր մինչև 15%:
2027 թվականի վերջին ԵՄ երկրները պարտավոր կլինեն ամբողջությամբ դադարեցնել մատակարարումները։
Ռուսաստանի նախագահ Վլադիմիր Պուտինը մարտի 9-ին հայտարարել էր, որ Մոսկվան պատրաստ է վերսկսել համագործակցությունն էներգամատակարարման ոլորտում, եթե ԵՄ-ն դա ցանկանա։
Ռուսական գազը ԵՄ վերադարձնելու վերաբերյալ քննարկումները սկսվել են Մերձավոր Արևելքում նոր պատերազմի ֆոնին, որը վտանգում է այս տարածաշրջանից մատակարարումները։
Թարգմանությունը՝ Էմմա Չոբանյանի
