Իրաքյան Քուրդիստանում ԱԹՍ-ի հարվածի հետևանքով իրանական ընդդիմության անդամ է սպանվել

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Իրաքի Քուրդիստանի շրջանում անօդաչու թռչող սարքի հարվածի հետևանքով սպանվել է իրանական քրդական զինված ընդդիմադիր խմբի անդամ, հայտնել է նրա աքսորյալ կուսակցությունը, որի բարձրաստիճան պաշտոնյան հարձակման համար մեղադրել է Իրանին, գրում է France 24-ը։

«Կոմալա» կուսակցությունն Իրաքում գործող մի քանի իրանական քրդական խմբավորումներից է, որոնք վաղուց դեմ են արտահայտվել Իսլամական Հանրապետությանը։ Կազմակերպությունը հայտնել է, որ առնվազն ութ անօդաչու թռչող սարք է թիրախավորել կուսակցության դիրքերը՝ սպանելով մեկ մարտիկի։

«Կոմալա»-ի բարձրաստիճան անդամ Ալի Ռանջդերը հայտնել է, որ երկու ալիքով հարձակումը տեղի է ունեցել Սուլեյմանիա քաղաքի մոտ գտնվող Զրգվեզալա շրջանում։ Նա մեղադրել է Իրանին։ Ռանջդերը հավելել է, որ վիրավորվել են նաև երկու մարտիկներ, որոնցից մեկը տեղափոխվել է Սուլեյմանիայի հիվանդանոց։

Լրատվամիջոցները հաղորդում են նաև, որ  երեքշաբթի անօդաչու թռչող սարքը հարվածել է Բաղդադում գտնվող ԱՄՆ-ի դիվանագիտական ​​​​հաստատությանը՝ առանց որևէ վնաս պատճառելու: Ենթադրվում է, որ հարձակումն իրականացվել է Իրաքում Իրանի կողմից աջակցվող խմբերի կողմից։

Washington Post-ի և Reuters-ի աղբյուրների համաձայն՝ ԱԹՍ-ն հարվածել է Բաղդադի դիվանագիտական ​​աջակցության կենտրոնին, որն ամերիկացի դիվանագետների համար նախատեսված ընդարձակ լոգիստիկ կենտրոն է Բաղդադի օդանավակայանի մոտ։

Washington Post-ը նշում է, որ համալիրի ուղղությամբ, ընդհանուր առմամբ, վեց անօդաչու թռչող սարք է արձակվել, որոնցից հինգը խոցվել է։ Նշվում է, որ հարձակումը, հավանաբար, իրականացրել են Իրաքի «Իսլամական դիմադրության» հովանու ներքո գործող մարտիկները, որն Իրանի կողմից աջակցվող զինված խմբավորումների կոալիցիա է և ակտիվացրել է հարձակումներն ԱՄՆ-ի և Իսրայելի կողմից Իրանի դեմ պատերազմ սկսելուց ի վեր։

Իրաքի հյուսիսում առնվազն երեք անօդաչու թռչող սարք որսացել է Քուրդիստանի Էրբիլի ծայրամասում, զոհերի մասին տեղեկություններ չկան։

ԱՄՆ ռազմաբազան գտնվում է Էրբիլի օդանավակայանի մոտակայքում, և քաղաքն Իրանի ու իրանամետ զինված խմբավորումների կողմից պատասխան հարվածների հիմնական թիրախ է։

Թարգմանությունը՝ Էմմա Չոբանյանի