27.06.2026 | 14:41
Սպասվում է կարճատև անձրև և ամպրոպ, առանձին հատվածներում՝ նաև կարկուտ
Պուտինը հեռախոսազրույց է ունեցել Ալիևի հետ
Քաղաքականություն
11.03.2026 | 15:28
Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը հեռախոսազրույցի ընթացքում հաստատել են իրենց հանձնառությունը՝ երկու երկրների միջև տարբեր ոլորտներում համագործակցությունը շարունակելու հարցում, հաղորդում է Կրեմլի մամուլի ծառայությունը, գրում է ՏԱՍՍ-ը։
«Քննարկվել են երկկողմ օրակարգի մի շարք արդիական ասպեկտներ։ Հաստատվել է ռուս-ադրբեջանական համագործակցության հետագա զարգացման փոխադարձ հանձնառությունը տարբեր ոլորտներում՝ ռազմավարական գործընկերության և դաշնակցության սկզբունքների հիման վրա»,- ասվում է հայտարարության մեջ։
Նշվում է, որ Պուտինը երախտագիտություն է հայտնել Ալիևին ԱՄՆ-ի և Իսրայելի կողմից հարձակման ենթարկված Իրանից ռուսաստանցիներին տարհանելու գործում ցուցաբերած օգնության և «Ռուսաստանի կողմից Իրանի ժողովրդին Ադրբեջանի տարածքով մարդասիրական օգնության մատակարարումն ապահովելու» համար։
Պուտինն ու Ալիևը մտքեր են փոխանակել Մերձավոր Արևելքում ստեղծված իրավիճակի վերաբերյալ և արտահայտվել այնտեղ ռազմական գործողությունների արագ դադարեցման ու հակամարտությունը քաղաքական և դիվանագիտական միջոցներով լուծման օգտին։
Թարգմանությունը՝ Էմմա Չոբանյանի
