27.06.2026 | 16:23
Քաղաքացիների կամքն այսպիսին է, սա իրողություն է. ԿԸՀ նախագահը` ԲՀԿ-ի քվեների մասին. ՏԵՍԱՆՅՈւԹ
Զելենսկին հայտարարել է, որ Ռուսաստանը կարող է զորքեր ուղարկել Իրան
Քաղաքականություն
11.03.2026 | 15:01
Ռուսաստանն ակտիվորեն օգնում է Իրանին ԱՄՆ-ի և Իսրայելի դեմ պատերազմում և կարող է իր զորքերն ուղարկել այնտեղ։ ՌԲԿ-Ուկրաինայի հաղորդմամբ՝ այս մասին հայտարարել է Ուկրաինայի նախագահ Վլադիմիր Զելենսկին իռլանդացի բլոգեր Քեյլին Ռոբերտսոնի հետ զրույցում։
«Ռուսաստանը սկսել է աջակցել իրանական ռեժիմին անօդաչու թռչող սարքերով։ Այն անպայման կօգնի հրթիռների և հակաօդային պաշտպանության հարցերում։ Ո՞րն է հաջորդը»,- ասել է Զելենսկին։
Նա ընդգծել է, որ այժմ գլխավոր հարցն այն է, թե որ երկիրն առաջինը զորքեր կուղարկի իրանական ռեժիմին աջակցելու համար։
«Ինչպես պատահեց Ռուսաստանի պարագայում, երբ Հյուսիսային Կորեան ուղարկեց 10,000 զինվորական, որոնք այժմ տեղակայված են Ռուսաստանում, բայց կարող են ուղարկվել Ուկրաինա։ Նույնը կարող է պատահել նաև Իրանում՝ Ռուսաստանը կարող է զորքեր ուղարկել այնտեղ»,- նշել է Ուկրաինայի նախագահը։
Ավելի վաղ տեղեկություններ էին տարածվել, որ պատերազմի սկզբից ի վեր Ռուսաստանն Իրանին տեղեկատվություն է տրամադրել ամերիկյան ռազմական միջոցների, այդ թվում՝ ռազմանավերի և ինքնաթիռների գտնվելու վայրերի մասին։
Թարգմանությունը՝ Էմմա Չոբանյանի
