07.09.2026 | 15:45
Բեռնատարը վնասել է գազատարը․ Շենիկում դադարեցվել է գազամատակարարումը
ԱՄԷ-ն հաղորդել է արդյունաբերական համալիրի վրա ԱԹՍ-ի հարձակման մասին
Քաղաքականություն
10.03.2026 | 19:06
Արաբական Միացյալ Էմիրությունների (ԱՄԷ) իշխանությունները հայտարարել են, որ անօդաչու թռչող սարքի հարձակումը հրդեհ է առաջացրել Աբու Դաբիի էմիրության արդյունաբերական գոտում, որտեղ տեղակայված են նավթային և էներգետիկ ենթակառուցվածքները։
«Աբու Դաբիի իշխանություններն արձագանքում են Ռուվայսի արդյունաբերական համալիրի օբյեկտում բռնկված հրդեհին, որն առաջացել է անօդաչու թռչող սարքի հարձակման հետևանքով։ Այս պահին տուժածների մասին տեղեկություններ չկան»,- հաղորդել է Աբու Դաբիի մամուլի գրասենյակը։
Իշխանությունները չեն հայտնել՝ արդյո՞ք էներգետիկ ենթակառուցվածքները հարվածի տակ են հայտնվել, միաժամանակ, մարդկանց հորդորել են «խուսափել լուրեր կամ չստուգված տեղեկատվություն տարածելուց»։
Ռուվայսի արդյունաբերական տարածքում տեղակայված են այնպիսի կարևոր օբյեկտներ, ինչպիսիք են Ռուվայսի նավթավերամշակման գործարանը, որը կարող է օրական վերամշակել գրեթե 1 միլիոն բարել նավթ, ինչպես նաև Borouge 3 նավթաքիմիական գործարանը։
Թարգմանությունը՝ Էմմա Չոբանյանի
