10.03.2026 | 18:21
ՀՀ-ն փոքր մոդուլային ռեակտորներն է ընտրել // Իրանին այսօր ամենաուժեղ հարվածը կհասցվի՝ ըստ Պենտագոնի․ ԼՈՒՐԵՐ
Հորդանանում Գերմանիայի ռազմաբազան իրանական հրթիռների հարձակման է ենթարկվել
Քաղաքականություն
10.03.2026 | 16:44
Իրանից արձակված բալիստիկ հրթիռներն ընկել են Հորդանանի Ալ-Ազրաք ավիաբազայի գերմանական հատվածի վրա մարտի 8-9-ը հարձակման ժամանակ, հայտնում է Spiegel-ը։ Նույն ավիաբազայում են տեղակայված նաև ԱՄՆ ռազմաօդային ուժերը, գրում է BBC-ի ռուսական ծառայությունը։
Գերմանական լրատվամիջոցի փոխանցմամբ՝ հարձակման են ենթարկվել զորանոցները, որտեղ տեղակայված են գերմանացի զինվորականները։ Հարձակման պահին նրանք ապաստարաններում են եղել, ոչ ոք չի տուժել։
Անհասկանալի է՝ զորանոցը վնասվել է հրթիռների՞ց, թե՞ հակաօդային պաշտպանության կողմից խոցված հրթիռների բեկորներն են ընկել դրանց վրա, նշում է Spiegel-ը։
Գերմանական զորախումբը մշտապես տեղակայված է Ալ-Ազրաքում մի քանի տարի, սակայն ԱՄՆ-ի և Իսրայելի միջև Իրանի դեմ պատերազմի սկսվելուց հետո անձնակազմը կրճատվել է։ Բունդեսվերի օպերատիվ հրամանատարության ներկայացուցիչը AFP լրատվական գործակալությանը հայտնել է, որ ներկա պահին միջադեպի հետ կապված ներքին հետաքննություն է ընթանում, սակայն չի հաստատել, որ հրթիռակոծությունը տեղի է ունեցել:
Ալ Ազրաքի բազայի դաշտային ճամբարում վերջերս տեղավորված էին Բունդեսվերի շուրջ հարյուր զինվորներ: Գերմանական օդուժն այնտեղից աջակցում է միջազգային հակաահաբեկչական կոալիցիային իր լիցքավորող ինքնաթիռներով։ Իրանի հետ ամերիկա-իսրայելական պատերազմի սկզբում, որը շարունակվում է փետրվարի 28-ից, այս ավիաբազան արդեն հայտնվել է կրակի տակ։
Թարգմանությունը՝ Էմմա Չոբանյանի
