17.08.2026 | 23:08
Զորականում և Ամասիայում շչակներ են փորձարկվելու
ԵՀ նախագահը հայտարարել է, որ Իրանում պատերազմի հետևանքները զգացվում են Եվրոպայում՝ բոլոր ոլորտներում
Քաղաքականություն
09.03.2026 | 18:47
Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ Իրանում պատերազմի հետևանքները զգացվում են Եվրոպայում՝ բոլոր ոլորտներում, գրում է DW-ն։
«Մենք այժմ տեսնում ենք տարածաշրջանային հակամարտություն՝ չնախատեսված հետևանքներով։ Եվ այդ հետևանքներն այսօր արդեն իրականություն են։ Մեր քաղաքացիները հայտնվել են խաչաձև կրակի տակ։ Մեր գործընկերները հարձակման են ենթարկվում»,- ասել է ֆոն դեր Լեյենը ԵՄ դեսպաններին՝ վկայակոչելով Կիպրոսում գտնվող բրիտանական բազայի վրա անօդաչու թռչող սարքի հարվածը, առևտրի խափանումները և «մարդկանց տեղահանումը»։
Ֆոն դեր Լեյենն ընդգծել է, որ «չպետք է արցունք թափվի իրանական ռեժիմի համար»։
«Իրանի ժողովուրդն արժանի է ազատության, արժանապատվության և իր ապագան որոշելու իրավունքի, նույնիսկ եթե մենք գիտենք, որ դա լի կլինի վտանգներով և անկայունությամբ պատերազմի ընթացքում և դրանից հետո»,- ասել է ֆոն դեր Լեյենը։
Իրանն էլ մեղադրել է եվրոպական երկրներին, այդ թվում՝ Ֆրանսիային, այնպիսի պայմաններ ստեղծելու համար, որոնք հանգեցրել են Միացյալ Նահանգների և Իսրայելի կողմից Իսլամական Հանրապետության վրա հարձակմանը և պատերազմի հրահրմանը։
«Եվրոպական երկրները, ցավոք, նպաստել են այս պայմանների ստեղծմանը։ Օրենքի գերակայության հարցում պնդելու, Միացյալ Նահանգների ահաբեկչությանն ու չափազանցություններին դիմակայելու փոխարեն՝ նրանք ՄԱԿ-ի Անվտանգության խորհրդում խոսեցին և համաձայնության եկան նրանց հետ պատժամիջոցների վերականգնման քննարկման վերաբերյալ, և այս ամենը միասին խրախուսեց ամերիկյան և սիոնիստական կողմերին՝ շարունակել իրենց հանցագործությունները»,- հայտարարել է Իրանի արտաքին գործերի նախարարության խոսնակ Էսմայիլ Բաղային։
Թարգմանությունը՝ Էմմա Չոբանյանի
