09.03.2026 | 14:44
Թրամփը «դժգոհ» է Մոջթաբա Խամենեիի ընտրությունից
Բահրեյնում իրանական ԱԹՍ-ի հարվածի հետևանքով առնվազն 32 մարդ է վիրավորվել․ նավթային համալիրին հարվածից հրդեհ է բռնկվել
Քաղաքականություն
09.03.2026 | 13:11
Բահրեյնի խոշոր Ալ Մաամիրի նավթային օբյեկտի վրա հարվածը հրդեհ է առաջացրել համալիրում՝ նյութական վնասներ հասցնելով, հաղորդում է France 24-ը։
«Իրանական ագրեսիայի պատճառով Ալ Մաամիրի օբյեկտում հրդեհ է բռնկվել, որի հետևանքով նյութական վնասներ են գրանցվել, սակայն զոհեր չկան։ Իրավասու մարմինները սկսել են հրդեհաշիջման աշխատանքները»,- գրել է Բահրեյնի լրատվական գործակալությունը։
Բացի այդ, Բահրեյնում առնվազն 32 մարդ է վիրավորվել մայրաքաղաքի մոտ իրանական անօդաչու թռչող սարքի հարձակման հետևանքով։
Առողջապահության նախարարությունը հայտնում է, որ բոլոր տուժածները Բահրեյնի քաղաքացիներ են, այդ թվում՝ 17-ամյա մի աղջիկ, որը գլխի շրջանում ծանր վնասվածքներ է ստացել։ Ամենափոքր տուժածը երկու ամսական է։
Հաղորդվում է, որ վիրավորներից չորսը, այդ թվում՝ երեխաներ, ծանր վիճակում են։
Թարգմանությունը՝ Էմմա Չոբանյանի
