Նավթի գինը 2022 թվականից ի վեր առաջին անգամ գերազանցել է 100 դոլարը

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

ԱՄՆ-ի և Իսրայելի կողմից Իրանի դեմ պատերազմի և Հորմուզի նեղուցի փաստացի փակման ֆոնին՝ նավթի գինը 2022 թվականից ի վեր առաջին անգամ գերազանցել է 100 դոլարը: Նավթի Brent տեսակի ֆյուչերսները մարտի 9-ին սակարկությունների մեկնարկին ժամանակավորապես բարձրացել են գրեթե 26%-ով՝ հասնելով 116,6 դոլարի մեկ բարելի համար, հաղորդում է Reuters-ը։

Նավթի WTI տեսակի ֆյուչերսները բարձրացել են 26,51%-ով՝ հասնելով 115 դոլարի, մինչդեռ ավելի վաղ հասել էին 111,24 դոլարի, գրում է DW-ի ռուսական ծառայությունը։

Նավթի շուկայի ամենակարևոր գործոնը մնում է Հորմուզի նեղուցի երկարատև փակման մտավախությունը, որով խաղաղ ժամանակներում ամեն օր տեղափոխվում է աշխարհի նավթի շուրջ 20 տոկոսը: Այն նաև կարևոր է հեղուկ բնական գազի տեղափոխման համար, օրինակ՝ Կատարից։

Նավթի համաշխարհային շուկայում լարված իրավիճակի ֆոնին ԱՄՆ ֆինանսների նախարար Սքոթ Բեսենթը մարտի 6-ին հայտարարեց, որ Վաշինգտոնը քննարկում է լցանավերի համար գործող ռուսական նավթի դեմ պատժամիջոցների մեղմացումը: Նույն օրը ԱՄՆ-ը 30 օրով չեղարկեց Հնդկաստանի կողմից արդեն իսկ լցանավեր բեռնված ռուսական նավթի գնման արգելքը, որպեսզի «նավթը կարողանա շարունակել հոսել դեպի համաշխարհային շուկա»:

Մարտի 7-ին Իսրայելն անգամ օդային հարվածներ է հասցրել Իրանի նավթային ենթակառուցվածքներին՝ հարձակվելով Թեհրանում և դրա շրջակայքում գտնվող հինգ էներգետիկ օբյեկտների վրա: Ի պատասխան՝ Իսլամական հեղափոխության պահապանների կորպուսը (ԻՀՊԿ) սպառնացել է հարձակվել Պարսից ծոցի նավթային օբյեկտների վրա:

«Եթե կարող եք հանդուրժել նավթի գները մեկ բարելի համար 200 դոլարից բարձր, շարունակեք խաղալ»,- ԻՀՊԿ ներկայացուցչի խոսքերն է վկայակոչել The Guardian-ը:

ԱՄՆ նախագահ Դոնալդ Թրամփը հայտարարել է, որ Մերձավոր Արևելքի հակամարտության ֆոնին նավթի գների կտրուկ աճը ժամանակի ընթացքում կուղղվի և համաշխարհային անվտանգության համար վճարվող փոքր գին է։

«Նավթի գների կարճաժամկետ աճը, որն արագ կմարի, երբ վերացվի իրանական միջուկային սպառնալիքը, շատ փոքր գին է Միացյալ Նահանգների և աշխարհի անվտանգության ու խաղաղության համար: Միայն հիմարներն են այլ կերպ մտածում»,- գրել է Թրամփը TruthSocial սոցիալական ցանցում։

Թարգմանությունը՝ Էմմա Չոբանյանի