07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Իրանը հայտարարել է՝ հրթիռային հարվածների հետևանքով լուրջ վնասվել է Սպահանի միջուկային օբյեկտը
Քաղաքականություն
08.03.2026 | 22:19
Իրանական պետական ISNA գործակալությունը, հղում անելով Իրանի Միջուկային անվտանգության ազգային կենտրոնին, հայտնել է, որ Սպահանի միջուկային օբյեկտը մարտի 7-ին Իսրայելի և ԱՄՆ-ի հրթիռային հարվածների հետևանքով ստացել է լուրջ վնասներ։
«2026 թվականի մարտի 7-ին Սպահանում գտնվող գամմա ճառագայթմամբ ստերիլիզացման օբյեկտը ենթարկվել է իսրայելական և ամերիկյան ռեժիմների օդային և հրթիռային հարձակման։ Կենտրոնը լուրջ վնասներ է ստացել, սակայն այս պահին շրջակայքում ճառագայթային աղտոտման վերաբերյալ հաղորդումներ չեն ստացվել»,- ասվում է հաղորդագրության մեջ։
Միջազգային ատոմային էներգիայի գործակալությունը (ՄԱԳԱՏԷ) դեռևս չի մեկնաբանել այս հայտարարությունները։
Մարտի 2-ին ՄԱԳԱՏԷ-ում Իրանի ներկայացուցիչ Ռեզա Նաջաֆին հայտարարել էր, որ ԱՄՆ-ը և Իսրայելը նախորդ օրը հարվածել են Նաթանզի ուրանի հարստացման կենտրոնին։ ՄԱԳԱՏԷ-ի տնօրեն Ռաֆայել Գրոսսին իր հերթին նշել էր, որ կազմակերպությունը տեղեկություններ չունի Իրանի որևէ միջուկային օբյեկտի վնասվելու մասին։
Փետրվարի կեսերին արբանյակային լուսանկարներում արձանագրվել էր Իրանի մեծ ակտիվություն այն միջուկային և ռազմական օբյեկտներում, որոնք ավելի վաղ վնասվել էին Իսրայելի և ԱՄՆ-ի հարվածներից։ Սպահանի միջուկային համալիրում ամբողջությամբ փակվել էին ստորգետնյա թունելային համալիր տանող երեք մուտքերը, որտեղ, ըստ դիվանագիտական աղբյուրների, պահվում է Իրանի հարստացված ուրանի զգալի մասը։ Դա պետք է խոչընդոտեր ինչպես օդային հարվածներին, այնպես էլ միջուկային նյութը գրավելու նպատակով հնարավոր ցամաքային գործողությանը։
