ԱՄՆ-ը պաշտոնապես ճանաչել է Վենեսուելայի նոր կառավարությունը

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

ԱՄՆ-ը պաշտոնապես ճանաչել է Վենեսուելայի նոր կառավարությունը՝ երկրի նախագահի պաշտոնակատար Դելսի Ռոդրիգեսի գլխավորությամբ։ Այդ մասին շաբաթ՝ մարտի 7-ին, Ֆլորիդայում Լատինական Ամերիկայի երկրների առաջնորդների հետ գագաթնաժողովում հայտարարել է ԱՄՆ նախագահ Դոնալդ Թրամփը։

«Ուրախ եմ հայտնել, որ այս շաբաթ մենք պաշտոնապես ճանաչեցինք Վենեսուելայի կառավարությունը։ (…) Մենք նաև հենց նոր պատմական համաձայնագիր ենք կնքել ոսկու վերաբերյալ։ (…) Այն թույլ է տալիս մեր երկրներին համագործակցել՝ նպաստելու վենեսուելական ոսկու և այլ օգտակար հանածոների վաճառքին։ Նրանք ունեն ոսկու հսկայական պաշարներ։ Նրանք լավ հող ունեն»,- ասել է Սպիտակ տան ղեկավարը։

Մարտի 6-ին Վաշինգտոնը մեղմացրել է Վենեսուելայի ոսկու արդյունահանման ոլորտի նկատմամբ կիրառվող պատժամիջոցները։ ԱՄՆ ֆինանսների նախարարությունը թույլատրել է ամերիկյան ընկերություններին ներմուծել վենեսուելական ոսկի, այն վերամշակել և այնուհետև վաճառել դրանից պատրաստված արտադրանքը, փոխանցել է dpa գործակալությունը։

Հիշեցնենք՝ այս տարվա սկզբին ԱՄՆ-ը ռազմական գործողություն է իրականացրել Վենեսուելայում։ Երկրի նախագահ Նիկոլաս Մադուրոն հունվարի 3-ին Կարակասում ձերբակալվել է ամերիկյան հատուկջոկատայինների կողմից և տեղափոխվել ԱՄՆ։ Դրանից հետո պետության ղեկավարի պարտականությունները սկսել է կատարել Դելսի Ռոդրիգեսը, որը նախկինում զբաղեցնում էր փոխնախագահի պաշտոնը։ Վաշինգտոնի ճնշման ներքո նա սկսել է ազատ արձակել քաղաքական բանտարկյալներին։

Ռոդրիգեսը նաև փոխել է օգտակար հանածոների մասին օրենքները՝ բացելով Վենեսուելայի նավթային ոլորտը օտարերկրյա ներդրումների համար։ Փետրվարի 24-ին Թրամփը հայտարարել էր, որ ԱՄՆ-ն արդեն ստացել է մոտ 89 միլիոն բարել նավթ Վենեսուելայից՝ իր «նոր ընկերոջից և գործընկերից»։

Փետրվարի 27-ին Ռոդրիգեսը Թրամփին կոչ էր արել հանել իր երկրի նկատմամբ պատժամիջոցները և վերացնել վենեսուելական նավթի շրջափակումը։ Նախագահի պաշտոնակատարը ընդգծել էր, որ երկրները համարում է «բարեկամական», անկախ Մադուրոյի տապալումից։ Նրա խոսքով՝ Կարակասի կառավարությունը ձգտում է Վաշինգտոնի հետ «բացել համագործակցության նոր օրակարգ»։

ԱՄՆ պետքարտուղարությունը մարտի 5-ին հայտարարել է, որ Վենեսուելայի ժամանակավոր իշխանությունների հետ համաձայնության է հասել դիվանագիտական հարաբերությունները վերականգնելու հարցում։ Մարկո Ռուբիոյի ղեկավարած գերատեսչությունում խոստացել են, որ Միացյալ Նահանգները կշարունակի աջակցել վենեսուելացի ժողովրդին առաջ շարժվելու «փուլային գործընթացի» շրջանակում, որը պետք է պայմաններ ստեղծի խաղաղ անցման համար դեպի ժողովրդավարական ճանապարհով ընտրված կառավարություն։