03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Իրանում համաձայնության են եկել երկրի գերագույն առաջնորդի ընտրության հարցում
Քաղաքականություն
08.03.2026 | 12:49
Իրանի Փորձագետների խորհուրդը համաձայնության է եկել երկրի գերագույն առաջնորդի ընտրության հարցում։ Այդ մասին հայտարարել է այդ ժողովի անդամ Մոհամմադ Մեհդի Միրբաղերին, հաղորդում է Mehr գործակալությունը։
Նա նշել է, որ խորհրդի անդամները վերջին օրերին առավելագույն ջանքեր են գործադրել թեկնածուի շուրջ որոշում կայացնելու համար․ «Փառք Աստծո, ձևավորվել է հստակ և միաձայն կարծիք, որը ներկայացնում է մեծամասնության դիրքորոշումը»։
Միրբաղերի խոսքով՝ մնացել են փոքր խոչընդոտներ, որոնք անհրաժեշտ կլինի լուծել մոտ ժամանակում։
Ավելի վաղ երկրի Ազգային անվտանգության բարձրագույն խորհրդի քարտուղար Ալի Լարիջանին հայտարարել էր, որ Ամերիկայի Միացյալ Նահանգները փորձել են քաոս սերմանել Իրանում, որպեսզի հետագայում բաժանեն հանրապետությունը։ Նա նշել է, որ ԱՄՆ-ը պարզապես «չի ճանաչում Մերձավոր Արևելքը»։
Հիշեցնենք՝ փետրվարի 28-ին ԱՄՆ-ը Իսրայելի հետ համատեղ ռազմական գործողություն է սկսել Իրանի դեմ։ Իսլամական Հանրապետությունում հարվածներ են հասցվել բազմաթիվ քաղաքների, այդ թվում՝ մայրաքաղաքին։ Հարվածներից մեկը հասցվել է գերագույն առաջնորդ Ալի Խամենեիի նստավայրին, ինչի հետևանքով նա մահացել է։ Ի պատասխան՝ Իրանը հրթիռներով և անօդաչու թռչող սարքերով հարվածներ է հասցնում Իսրայելին և Մերձավոր Արևելքում գտնվող ամերիկյան ավիաբազաներին։
