09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Ֆինն Գերագուսյանը գոլ է խփել Հայաստանի հավաքական հրավիրվելուց հետո․ ՏԵՍԱՆՅՈՒԹ
07.03.2026 | 12:34
Հայաստանի ազգային հավաքականի նորեկ Ֆինն Գերագուսյանը հերթական գոլն է խփել անգլիական «Սանդերլենդի» երիտասարդական թիմի կազմում։
Պրեմիեր լիգայի գավաթի խաղարկության քառորդ եզրափակիչում «Սանդերլենդի» Մ21 թիմը սեփական խաղադաշտում 3։1 հաշվով հաղթել է «Ուոթֆորդ Մ21»-ին ու դուրս եկել կիսաեզրափակիչ։
Ֆինն Գերագուսյանը դաշտ է դուրս եկել տանտերերի մեկնարկային կազմում, իսկ 52-րդ րոպեին բացել է հանդիպման հաշիվը։ 18-ամյա հարձակվողն ընթացիկ մրցաշրջանում 13-րդ գոլն է խփել «Սանդերլենդի» տարբեր տարիքային թիմերում։
Հիշեցնենք, որ Ֆինն Գերագուսյանն առաջին անգամ հրավիրվել է Հայաստանի ազգային հավաքական՝ մասնակցելու Արաբական Միացյալ Էմիրությունների (մարտի 26) ու Բելառուսի (մարտի 29) դեմ ընկերական խաղերին։ Անցյալ տարի հարձակվողը նորամուտն էր նշել նաև Հայաստանի երիտասարդական հավաքականում, որի կազմում մասնակցել է երկու խաղի։
