18.08.2026 | 10:44
Էրդողանը Դոնալդ Թրամփի հետ ԱՄՆ-Իրան հակամարտությունն է քննարկել
Հայտնի է՝ որքան աշխատավարձ է «Ինտերն» առաջարկում Մխիթարյանին նոր պայմանագրով
07.03.2026 | 13:33
Իտալական «Ինտերը» ցանկանում է երկարաձգել Հայաստանի ազգային հավաքականի նախկին ավագ Հենրիխ Մխիթարյանի հետ պայմանագիրը։
Tuttomercatoweb-ի համաձայն՝ «Ինտերը» 37-ամյա կիսապաշտպանին կառաջարկի մեկ տարվա պայմանագիր՝ 30 տոկոս կրճատված աշխատավարձով։ Այժմ Մխիթարյանը ստանում է տարեկան 3․8 միլիոն եվրո, իսկ նոր պայմանագրով աշխատավարձը կկազմի 2,5 միլիոն եվրո։
Դեռ հայտնի չէ՝ Հայաստանի հավաքականի պատմության լավագույն ռմբարկուն կցանկանա՞ նման պայմաններով մնալ «Ինտերում», թե կտեղափոխվի այլ ակումբ։
Հենրիխ Մխիթարյանի պայմանագրի ժամկետը լրանում է այս մրցաշրջանի վերջում։ Նա 2022 թվականին է միացել «Ինտերին», որի կազմում դարձել է Իտալիայի չեմպիոն, գավաթակիր, սուպերգավաթակիր ու երկու անգամ խաղացել է Չեմպիոնների լիգայի եզրափակիչում։ Ընթացիկ մրցաշրջանում Մխիթարյանը մասնակցել է 28 հանդիպման, դարձել 2 գոլի ու 3 գոլային փոխանցման հեղինակ։ Transfermarkt-ը 3․5 միլիոն եվրո է գնահատում հայ կիսապաշտպանի տրանսֆերային արժեքը։
Կարիերայի ընթացքում Հենրիխ Մխիթարյանը հանդես է եկել նաև Երևանի «Փյունիկում» (2006-2009 թթ.), Դոնեցկի «Մետալուրգում» (2009-2010 թթ.) ու «Շախտյորում» (2010-2013 թթ.), Դորտմունդի «Բորուսիայում» (2013-2016 թթ.), անգլիական «Մանչեսթեր Յունայթեդում» (2016-2018 թթ.) ու «Արսենալում» (2018-2019 թթ.), իտալական «Ռոմայում» (2019-2022 թթ.)։
