16.05.2026 | 16:44
Գործազուրկ, բայց խոշոր եկամուտով. ինչ է հայտարարագրել Հայկ Մարությանը
Պատերազմը չպետք է հանգեցնի Իրան պետության փլուզմանը. Մերց
Քաղաքականություն
06.03.2026 | 21:21
Գերմանիայի կանցլեր Ֆրիդրիխ Մերցը հայտարարել է, որ Մերձավոր Արևելքում շարունակվող հակամարտությունը, որը բռնկվել է Իրանի վրա ԱՄՆ-ի և Իսրայելի համատեղ հարվածներից, որոնց հետևանքով առաջին օրը սպանվել է երկրի գերագույն առաջնորդ այաթոլլահ Ալի Խամենեին, չպետք է հանգեցնի իրանական պետության փլուզմանը։ Մերցը զգուշացրել է նման փլուզման ազդեցության մասին՝ դեպի Եվրոպա միգրացիայով, գրում է DW-ն։
«Անվերջ պատերազմը մեր շահերից չի բխում։ Նույնը վերաբերում է նաև Իրանի պետականության փլուզմանը կամ իրանական հողի վրա մղվող պրոքսի հակամարտություններին։ Նման սցենարները կարող են հեռահար հետևանքներ ունենալ Եվրոպայի համար, այդ թվում՝ անվտանգության, էներգամատակարարման և միգրացիայի համար»,- ասել է նա Մյունխենի միջազգային արհեստագործական ցուցահանդեսի շրջանակում ունեցած ելույթում։
Գերմանիայի կանցլերը նաև վերահաստատել է իր կառավարության դիրքորոշումը, որ Իրանի միջուկային և հրթիռային ծրագրերը պետք է վերացվեն։ Նա նաև զգուշացրել է Իսլամական Հանրապետության միջուկային նյութերի նյութերը ոչ պետական դերակատարների կամ երրորդ երկրների ձեռքը հայտնվելու հնարավորության մասին։
Թարգմանությունը՝ Էմմա Չոբանյանի
