28.10.2026 | 12:18
Նրա նախաձեռնությունները ողբերգությամբ են ավարտվել․ Ղազարյանը՝ Աննա Հակոբյանի նախաձեռնած արշավի մասին․ ՏԵՍԱՆՅՈՒԹ
HYPE․ Արման Ծառուկյանի և Ջորջիո Պուլասի ռևանշ մենամարտը կկայանա
06.03.2026 | 17:06
UFC-ի թեթև քաշային կարգի դասակարգման երկրորդ համար Արման Ծառուկյանի և ամերիկացի ըմբիշ ու բլոգեր Ջորջիո Պուլասի ռևանշ մենամարտը HYPE լիգայում չի չեղարկվել, հաղորդում է HYPE-ի մամուլի ծառայությունը։
Ծառուկյանը և Պուլասը գրեփլինգի կանոններով 10 րոպե տևողությամբ մենամարտ կանցկացնեն մարտի 11-ին Ռիո դե Ժանեյրոյում կայանալիք HYPE FC Brazil մրցաշարում։ Հաղթող կլինի միայն այն դեպքում, եթե մարտիկներից մեկը հանձնվի։
Ավելի վաղ RAF (Real American Wrestling) լիգայի ղեկավար Չադ Բրոնշտեյնը հայտարարել էր, որ մենամարտը չեղարկվել է, սակայն HYPE-ը պաշտոնապես հերքել է այդ տեղեկությունը։
Հիշեցնենք, որ Արման Ծառուկյանը և Ջորջիո Պուլասն օրեր առաջ ազատ ոճի ըմբշամարտի մենամարտ էին անցկացրել RAF լիգայում։ Հայ մարտիկը հաղթել էր 5։3 հաշվով, իսկ մենամարտի եզրափակիչ ազդանշանից անմիջապես հետո հարվածել էր հատակին հայտնված մրցակցին, ինչից հետո սկսվել էր զանգվածային բախում։
