01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Հայ եմ ես, հայ ես դու․ «Ինտերը» Արամ Ասատրյանի երգով է վերհիշել Մխիթարյանի գոլը․ ՏԵՍԱՆՅՈՒԹ
06.03.2026 | 14:16
Իտալական «Ինտերը» միլանյան դերբիից առաջ սոցիալական ցանցերում ևս մեկ հայատառ գրառում է կատարել ու հրապարակել Հայաստանի ազգային հավաքականի նախկին ավագ, 37-ամյա կիսապաշտպան Հենրիխ Մխիթարյանի՝ «Միլանի» դարպասը խփած գոլերից մեկը։
«Դերբիի մթնոլորտը! Հետևեք մեզ՝ Հայաստանի մասին ավելի շատ բովանդակության համար»,- նշված է տեսանյութին կից, որն ուղեկցվում է Արամ Ասատրյանի «Հայ ես դու» երաժշտական ստեղծագործությամբ։
Իտալիայի ընթացիկ առաջնությունում Հենրիխ Մխիթարյանը մասնակցել է 20 խաղի, դարձել 2-ական գոլի ու գոլային փոխանցման հեղինակ։ «Ինտերը» 67 միավորով գլխավորում է մրցաշարային աղյուսակը և 10 միավոր առաջ է երկրորդ տեղում գտնվող «Միլանից», որի հետ մրցելու է մարտի 8-ին՝ Երևանի ժամանակով 23։45-ից սկսած։
