Քաղաքականություն
06.03.2026 | 14:55
Մեծ Բրիտանիայի մայրաքաղաք Լոնդոնում Իրանի հետ կապված հակաահաբեկչական հետաքննության շրջանակում 4 անձ է ձերբակալվել, հայտնում է տեղի ոստիկանությունը, գրում է BBC-ն։
Նշվում է, որ ձերբակալվել է մեկ իրանցի ու երեք բրիտանա-իրանական երկքաղաքացի՝ օտարերկրյա հետախուզական ծառայությանը օգնելու կասկածանքով։ Հետաքննությունը վերաբերում է Լոնդոնի հրեական համայնքների հետ կապված վայրերի և անհատների ենթադրյալ հսկողությանը։ Խուզարկությունները շարունակվում են Ուոթֆորդում, Բարնեթում և Ուեմբլիի մեկ հասցեում։
40-ամյա և 55-ամյա տղամարդիկ ձերբակալվել են Բարնեթի, 52-ամյա տղամարդը՝ Ուոթֆորդում և 22-ամյա երիտասարդը՝ Հարրոուում։
Հարրոուի նույն վայրում ձերբակալվել են ևս վեց տղամարդիկ՝ 29, 39, 42, 49 տարեկան, և երկու 20 տարեկան երիտասարդներ, որոնք կասկածվում են հանցագործին օգնելու մեջ։
Թարգմանությունը՝ Էմմա Չոբանյանի
