24.04.2026 | 23:32
Կապանում ջրանջատում կլինի
Իրանի հետ պատերազմի առաջին հարյուր ժամն ԱՄՆ-ին արժեցել է 3,7 միլիարդ դոլար. CSIS
Քաղաքականություն
06.03.2026 | 13:19
Ամերիկյան Ռազմավարական և միջազգային հետազոտությունների կենտրոնի (CSIS, կենտրոնակայանը՝ Վաշինգտոն) փորձագետները Իրանի դեմ «Էպիկական ցասում» գործողության ընթացքում ԱՄՆ ծախսերը գնահատել են 3,72 միլիարդ դոլար՝ առաջին 100 ժամվա ընթացքում կամ օրական 891,4 միլիոն դոլար, գրում է Meduza-ն։
Որպես հիմնական ծախս՝ գնահատվել է Իրանին հարվածելու համար օգտագործված զինամթերքը։ CSIS-ի փորձագետների տվյալներով՝ պատերազմի առաջին 100 ժամվա ընթացքում ԱՄՆ զինված ուժերն օգտագործել են, ընդհանուր առմամբ, 3,1 միլիարդ դոլար արժողությամբ ռումբեր և հրթիռներ։
Որոշ ծախսեր, ինչպիսիք են ռազմական տեխնիկայի շահագործման ծախսերը, արդեն ներառված էին պաշտպանության բյուջեում: Այնուամենայնիվ, CSIS-ը նշում է, որ դրանք հիմնականում արտաբյուջետային ծախսեր են, որոնք, հավանաբար, կպահանջեն լրացուցիչ ֆինանսավորում Պաշտպանության նախարարությունից՝ կա՛մ լրացուցիչ հատկացումների, կա՛մ միջոցների վերաբաշխման միջոցով:
Նշենք, որ մարտի 6-ին ԱՄՆ-ի և Իսրայելի ռազմական հրամանատարները հայտարարել են Իրանի դեմ պատերազմի «2-րդ փուլի» մեկնարկի մասին, որը, ինչպես սպասվում է, կներառի հարվածներ ստորգետնյա զինամթերքի պահեստներին, գործարաններին և հրթիռային արձակման կայանքներին։ Մարտի լույս 6-ի գիշերը ԱՄՆ ռազմաօդային ուժերը B-2 ռմբակոծիչներ են օգտագործել Իրանի դեմ պատերազմում՝ նետելով թափանցող ռումբեր:
Թարգմանությունը՝ Էմմա Չոբանյանի
