06.03.2026 | 15:10
Արաբկիրում կրակոցների հեղինակը ձերբակալվել է // ԱՄԷ-ից շուրջ 200 քաղաքացի է վերադարձել ՀՀ․ ԼՈՒՐԵՐ
Իրանը հետաձգել է նոր գերագույն առաջնորդի նշանակումը՝ անվտանգության նկատառումներից ելնելով. NYT
Քաղաքականություն
06.03.2026 | 12:00
Իրանը հետաձգել է սպանված գերագույն առաջնորդ այաթոլլահ Ալի Խամենեիի իրավահաջորդի նշանակումը՝ անվտանգության նկատառումներից ելնելով, այն բանից հետո, երբ ԱՄՆ-ն ու Իսրայելը զգուշացրել են, որ նոր առաջնորդը նույնպես կարող է «թիրախ» դառնալ։ Այս մասին հայտնում է The New York Times-ը`հղում անելով երկու իրանցի պաշտոնյաների, գրում է Meduza-ն։
Խամենեիի որդին՝ Մոջթաբա Խամենեին, դարձել է Գերագույն առաջնորդի պաշտոնի համար հիմնական թեկնածուն։ Սակայն լրատվամիջոցներում հրապարակված հաղորդագրություններից հետո նրա անվտանգության վերաբերյալ մտահոգությունները սրվել են, հայտնել են լրատվամիջոցի աղբյուրները։
Մարտի 3-ին NYT-ը հաղորդել էր, որ 56-ամյա Մոջթաբա Խամենեին դարձել է Իրանի Գերագույն առաջնորդի պաշտոնի հիմնական հավակնորդը: Աղբյուրները հայտնում էին, որ հնարավոր է՝ Մոջթաբա Խամենեիի նշանակման մասին հայտարարվի մարտի 4-ին: Դրանից հետո Իսրայելի պաշտպանության նախարար Իսրայել Կացը հայտարարել էր, որ «իրանական ահաբեկչական ռեժիմի կողմից նշանակված» ցանկացած նոր Իրանի առաջնորդին կհամարեն «ոչնչացման անխուսափելի թիրախ»։
Իր հերթին, ԱՄՆ նախագահ Դոնալդ Թրամփը հայտարարել է, որ ցանկանում է անձամբ մասնակցել Իրանի նոր գերագույն առաջնորդի ընտրությանը։ Նրա բնորոշմամբ՝ «Խամենեիի որդին թեթևքաշային է»։
«Խամենեիի որդին ինձ համար անընդունելի է։ Մեզ անհրաժեշտ է մեկը, ով ներդաշնակություն և խաղաղություն կբերի Իրանին»,- ասել է Թրամփը։
Թարգմանությունը՝ Էմմա Չոբանյանի
