06.06.2026 | 21:45
Հենրիխ Մխիթարյան․ Որպես ՀՀ քաղաքացի՝ հունիսի 7-ին պարտավոր եմ մասնակցել ընտրությանը
ԱՄՆ-ը հայտարարել է ավելի քան 30 իրանական նավ խորտակելու մասին
Քաղաքականություն
06.03.2026 | 10:36
ԱՄՆ Կենտրոնական հրամանատարության (CENTCOM) ղեկավար, ծովակալ Բրեդլի Քուփերը Ֆլորիդայում հրամանատարության կենտրոնակայանում տեղի ունեցած ճեպազրույցում հայտարարել է, որ Միացյալ Նահանգներն արդեն ավելի քան 30 իրանական նավ է խորտակել։
«Եվ ընդամենը մի քանի ժամ առաջ մենք հարվածեցինք իրանական անօդաչու թռչող սարքի կրիչի, որը մոտավորապես Երկրորդ համաշխարհային պատերազմի դարաշրջանի ավիակրի չափ էր։ Այն հիմա այրվում է»,- հավելել է Քուփերը։
Չորեքշաբթի մամուլում տեղեկություններ էին տարածվել այն մասին, որ ԱՄՆ-ը խորտակել է Իսլամական հեղափոխության պահապանների կորպուսի (ԻՀՊԿ) անօդաչու թռչող սարքեր կրող միակ նավը՝ «Շահիդ Բահման Բաղերին»։
ԱՄՆ նախագահ Դոնալդ Թրամփը, ծովակալ Քուփերի ելույթից կարճ ժամանակ առաջ խոսելով Սպիտակ տանը, ասել էր, որ ԱՄՆ-ը «երեք օրում 24 նավ է խորտակել»։
Ծովակալ Քուփերը նաև հայտնել է, որ վերջին երեք օրերի ընթացքում ԱՄՆ ուժերը հարվածել են Իրանում գրեթե 200 թիրախների։
Թարգմանությունը՝ Էմմա Չոբանյանի
