18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Թրամփն աշխատանքից ազատել է ներքին անվտանգության նախարար Քրիստի Նոեմին
Քաղաքականություն
06.03.2026 | 13:45
Քրիստի Նոեմը կհեռանա ներքին անվտանգության նախարարի պաշտոնից, հայտարարել է ԱՄՆ նախագահ Դոնալդ Թրամփը։ Մարտի 31-ից նրան կփոխարինի Օքլահոմայից հանրապետական սենատոր Մարքուեյն Մալինը, գրում է Meduza-ն։
Թրամփը շնորհակալություն է հայտնել Նոեմին նախարարի պաշտոնում աշխատանքի համար՝ ասելով, որ նա «լավ է ծառայել և բազմաթիվ տպավորիչ արդյունքների է հասել (հատկապես սահմանին)»։ Ըստ նրա՝ Նոեմը կստանձնի «Ամերիկաների վահանի» հատուկ բանագնացի պաշտոնը, որն ԱՄՆ նոր կառավարական գործակալություն է, որը պատասխանատու է Արևմտյան կիսագնդում անվտանգության ապահովման համար։
Քրիստի Նոեմը Դոնալդ Թրամփի թիմի ամենաակնառու անդամներից է նրա երկրորդ ժամկետի ընթացքում։ Նա աջակցում էր նախագահի ավելի խիստ ներգաղթային քաղաքականությանը։
Նոեմի պաշտոնավարման օրոք Ներգաղթի և մաքսային ծառայության (ICE, ներքին անվտանգության նախարարության ստորաբաժանում) սպաները ռեյդերի ժամանակ կրակել և սպանել են մի քանի մարդու։ Սպանվածների թվում էին Մինեապոլիսի երկու բնակիչներ՝ ԱՄՆ քաղաքացիներ Ռըե Գուդը և Ալեքս Փրեթին։ Նրանց մահը զանգվածային բողոքի ցույցեր և սուր քննադատություն է առաջացրել գործակալության, Նոեմի և Թրամփի վարչակազմի հասցեին։
Այդ միջադեպերից հետո թե՛ դեմոկրատները, թե՛ հանրապետականները Նոեմի հրաժարականի կոչ էին անում։
Թարգմանությունը՝ Էմմա Չոբանյանի
