07.09.2026 | 15:45
Բեռնատարը վնասել է գազատարը․ Շենիկում դադարեցվել է գազամատակարարումը
Ֆորմուլա-1-ը կարող է չեղարկել Բահրեյնի ու Սաուդյան Արաբիայի Մեծ մրցանակները
05.03.2026 | 18:28
Ֆորմուլա-1-ի կազմակերպիչները չեն ծրագրում հետաձգել Բահրեյնի ու Սաուդյան Արաբիայի Մեծ մրցանակները, և Մերձավոր Արևելքում տիրող իրավիճակի չբարելավման դեպքում կչեղարկեն դրանք։ Այդ մասին սոցցանցերում հայտնել է BBC-ի լրագրող Էնդրյու Բենսոնը։
Նման որոշումը կկայացվի մրցաշրջանի խիտ օրացույցի պատճառով։ Բահրեյնի Մեծ մրցանակը նախատեսված է ապրիլի 10-12-ին, իսկ Սաուդյան Արաբիայի մրցումը՝ ապրիլի 17-19-ին։
Ֆորմուլա-1-ի նոր մրցաշրջանը մեկնարելու է մարտի 8-ին՝ Ավստրալիայի Մեծ մրցանակով։
Հիշեցնենք, որ փետրվարի 28-ից ԱՄՆ-ը և Իսրայելը ռազմական գործողություններ են սկսել Իրանի դեմ։ Իրանն էլ պատասխան հարվածներ է հասցրել Բահրեյնում, Հորդանանում, Կատարում, Քուվեյթում, ԱՄԷ-ում ու Սաուդյան Արաբիայում ամերիկյան ռազմաբազաներին։
