07.09.2026 | 15:45
Բեռնատարը վնասել է գազատարը․ Շենիկում դադարեցվել է գազամատակարարումը
Իրանը հայտարարել է Թել Ավիվի «Բեն Գուրիոն» օդանավակայանը թիրախավորելու մասին
Քաղաքականություն
05.03.2026 | 18:10
Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ թիրախավորել է Իսրայելի «Բեն Գուրիոն» օդանավակայանը և տարածքում գտնվող ռազմաօդային բազան։
«Մեկ տոննա կշռող մարտագլխիկներով ծանր Խորամշահր-4 հրթիռներն այսօր լուսաբացին արձակվել են դեպի Թել Ավիվի կենտրոն, «Բեն Գուրիոն» օդանավակայան և այնտեղ տեղակայված Իսրայելի ռազմաօդային ուժերի 27-րդ էսկադրիլիայի բազա»,- ասվում է Կորպուսի հայտարարության մեջ, որը տարածել է Tasnim լրատվական գործակալությունը։
Միաժամանակ, հաղորդվում է, որ Թել Ավիվի «Բեն Գուրիոն» օդանավակայանը վերաբացվել է՝ հինգ օր առաջ՝ Իրանի վրա Իսրայելի և ԱՄՆ-ի համատեղ ռազմական հարվածների սկզբում փակվելուց հետո։ Իսրայելի իշխանությունները հաստատել են օդային տարածքի փուլ առ փուլ վերաբացումը՝ անվտանգության հետ կապված զարգացումներից կախված։
Բացի այդ, Իրանի զինված ուժերը հայտարարել են, որ անօդաչու թռչող սարքով հարձակում են գործել Քուվեյթում գտնվող ամերիկյան ռազմական օբյեկտի վրա։
«Զինված ուժերի մարտական անօդաչու սարքերը թիրախավորել են Քուվեյթում գտնվող ամերիկյան ուժերի Ուդաիրի ճամբարի օբյեկտը»,- ասվում է բանակի հայտարարության մեջ, որը հեռարձակվել է պետական հեռուստատեսությամբ։
Բյուրինգ ճամբարը, որը նախկինում հայտնի էր որպես Ուդաիրի, Քուվեյթի հյուսիս-արևմուտքում գտնվող ԱՄՆ խոշոր ռազմական օբյեկտ է։
Թարգմանությունը՝ Էմմա Չոբանյանի
