17.08.2026 | 23:08
Զորականում և Ամասիայում շչակներ են փորձարկվելու
Իրանի ԳՇ-ն Իսրայելին է մեղադրել Ադրբեջանի վրա ԱԹՍ-ների հարձակման համար
Քաղաքականություն
05.03.2026 | 17:21
Իրանի ԶՈՒ գլխավոր շտաբը Իսրայելին մեղադրել է Ադրբեջանի վրա անօդաչու թռչող սարքի հարձակման համար։ ԳՇ-ն Ադրբեջանում անօդաչու թռչող սարքի հարվածի հերքման մասին հայտարարություն է տարածել։
«Իրանի Իսլամական Հանրապետությունը, հարգելով բոլոր երկրների, մասնավորապես, մահմեդական և հարևան երկրների ինքնիշխանությունը, հերքում է զինված ուժերի կողմից Ադրբեջանում անօդաչու թռչող սարքի արձակումը։ Կեղծ սիոնիստական ռեժիմի կողմից մահմեդական երկրների հետ հարաբերությունները տարբեր ձևերով խաթարելու նման գործողություններն աննախադեպ են և, ըստ անցկացված հետաքննությունների, նման գործողություն է ձեռնարկվել այդ ռեժիմի կողմից՝ Իրանի Իսլամական Հանրապետությանը մեղադրելու համար»,- ռազմական գերատեսչության հայտարարությունն է հրապարակել իրանական Tasnim լրատվական գործակալությունը։
Fars գործակալությունն էլ, հղում անելով Իրանի անվտանգության ուժերի աղբյուրներին, հաղորդում է, որ իրանցի զինվորական և անվտանգության պաշտոնյաները «չգիտեն այս միջադեպի մանրամասները և կտրականապես հերքում են այդ անօդաչու թռչող սարքի հետ որևէ առնչություն»։
Ավելի վաղ Իրանի Գլխավոր շտաբը հերքել էր նաև Թուրքիայի ուղղությամբ հրթիռի արձակմանը Թեհրանի առնչությունը։
Թարգմանությունը՝ Էմմա Չոբանյանի
