17.08.2026 | 23:08
Զորականում և Ամասիայում շչակներ են փորձարկվելու
Ֆրանսիան թույլատրել է ամերիկյան ինքնաթիռների տեղակայումը Մերձավոր Արևելքի իր որոշ բազաներում
Քաղաքականություն
05.03.2026 | 17:42
Ֆրանսիական բանակը հայտարարել է, որ թույլատրել է ամերիկյան ինքնաթիռների մուտքը Մերձավոր Արևելքում գտնվող իր որոշ բազաներում՝ ԱՄՆ-ի և Իսրայելի և Իրանի միջև հակամարտության ընթացքում։
«Միացյալ Նահանգների հետ մեր հարաբերությունների շրջանակում նրանց ինքնաթիռների ներկայությունը ժամանակավորապես թույլատրվել է մեր բազաներում տարածաշրջանում։ Այս ինքնաթիռները նպաստում են Պարսից ծոցում մեր գործընկերների պաշտպանությանը»,- AFP-ին ասել է գլխավոր շտաբի խոսնակը։
Ավելի վաղ Իտալիայի վարչապետ Ջորջիա Մելոնին հայտարարել էր, որ Հռոմը հակաօդային պաշտպանության համակարգեր կուղարկի Պարսից ծոց։
Միաժամանակ, Իսպանիան, Ֆրանսիան և Հունաստանը նավեր են ուղարկում Կիպրոսի ափեր՝ այն բանից հետո, երբ իրանական անօդաչու սարքերը հարձակվեցին կղզում գտնվող բրիտանական ռազմական բազայի վրա։ Մարտի 4-ին, Ֆրանսիայի, Գերմանիայի և Մեծ Բրիտանիայի իշխանությունները հայտարարել էին, որ կարող են «ձեռնարկել անհրաժեշտ և համաչափ պաշտպանական միջոցներ»՝ ուղղված Իրանից հարձակումները կանխելուն։
Մադրիդն արգելել է Միացյալ Նահանգներին օգտագործել Անդալուսիայում և Սևիլիայում գտնվող ամերիկյան ռազմական բազաները Իրանին հարվածելու համար։ Ի պատասխան՝ ԱՄՆ նախագահ Դոնալդ Թրամփը սպառնացել է խզել առևտրային հարաբերություններն Իսպանիայի հետ և հայտարարել, որ «ոչ ոք չի կարող ասել» Միացյալ Նահանգներին, որ չի կարող օգտագործել իր բազաները։
Թարգմանությունը՝ Էմմա Չոբանյանի
