24.04.2026 | 23:32
Կապանում ջրանջատում կլինի
Ռուսաստանը Սև ծովում հարվածել է Պանամայի դրոշի ներքո նավարկող քաղաքացիական նավի
Քաղաքականություն
05.03.2026 | 15:13
Օդեսայի տարածաշրջանային ռազմական վարչակազմի ղեկավար Օլեգ Կիպերը հայտնել է Սև ծովում նավի վրա ռուսական հարձակման մասին, նշում է Current time-ը։
Նրա խոսքով՝ միջադեպը տեղի է ունեցել մարտի 4-ի երեկոյան։ Ռուսական ուժերն անօդաչու թռչող սարք են օգտագործել Օդեսայի մարզի երեք խոշորագույն նավահանգիստներից մեկից՝ Չեռնոմորսկ նավահանգստից մեկնող քաղաքացիական նավին հարվածելու համար։ Նշվում է, որ նավը եգիպտացորեն էր տեղափոխում։
«Հարձակման հետևանքով անձնակազմի անդամներ են վիրավորվել։ Ձեռնարկվել են օգնության և տարհանման աշխատանքներ»,- գրել է Կիպերը։
Ռուսաստանը պարբերաբար հարձակվում է Օդեսայի նավահանգիստների վրա, որտեղ կարող են քաղաքացիական և բեռնատար նավեր լինել։ 2025 թվականի դեկտեմբերին հրթիռային հարվածը վնասել է «Cenk T» նավը: MarineTraffic կայքի տեղեկատվության համաձայն՝ այս անունով նավը նավարկում է Պանամայի դրոշի ներքո: Հայտնի չէ, թե ինչ էր այն տեղափոխում։
Թարգմանությունը՝ Էմմա Չոբանյանի
