Քաղաքականություն
05.03.2026 | 13:02
Մարտի 5-ին կեսօրին մոտ Իրանի Իսլամական Հանրապետության տարածքից անօդաչու թռչող սարքերով հարձակումներ են իրականացվել Ադրբեջանի Նախիջևանի Ինքնավար Հանրապետության վրա։ Այս մասին ասվում է Ադրբեջանի Արտաքին գործերի նախարարության հայտարարության մեջ։
Մեկ անօդաչու թռչող սարք ընկել է Նախիջևանի օդանավակայանի տերմինալի շենքի վրա, ևս մեկ անօդաչու՝ Շեքարաբադ գյուղի դպրոցի շենքի մոտ։
«Մենք խստորեն դատապարտում ենք Իրանի Իսլամական Հանրապետության տարածքից իրականացված անօդաչու թռչող սարքերի հարձակումները, որոնք վնասել են օդանավակայանի շենքը և վիրավորել երկու քաղաքացիական անձանց։ Ադրբեջանի տարածքի վրա այս հարձակումը հակասում է միջազգային իրավունքի նորմերին ու սկզբունքներին և նպաստում տարածաշրջանում լարվածության սրմանը»,- ասվում է հայտարարության մեջ։
Նշվում է, որ ադրբեջանական կողմն իրավունք է վերապահում ձեռնարկել համապատասխան պատասխան միջոցներ: Բաքվում Իրանի արտակարգ և լիազոր դեսպան Մոջթաբա Դեմիրչիլուն կանչվել է Արտաքին գործերի նախարարություն: Իրանական կողմին համապատասխան բողոքի նոտա կհանձնվի:
Թարգմանությունը՝ Էմմա Չոբանյանի
