27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Քուվեյթի ափերի մոտ լցանավի վրա պայթյուն է տեղի ունեցել, նավթի արտահոսք է սկսվել
Քաղաքականություն
05.03.2026 | 13:31
Քուվեյթի ափերի մոտ՝ Պարսից ծոցում լցանավի վրա հզոր պայթյուն է տեղի ունեցել։ Նավի ձախ կողմը վնասվել է, ջուրը սկսել է ներթափանցել նավ, հայտնել է Թագավորական նավատորմի Ծովային տրանսպորտի համակարգման կենտրոնը (UKMTO):
Հայտարարության համաձայն՝ նավթ է արտահոսում ծով։ Հրդեհի մասին որևէ տեղեկություն չի հաղորդվել, անձնակազմի անդամների շրջանում վիրավորներ չկան, նշում է DW-ի ռուսական ծառայությունը։
Մուբարաք ալ-Քաբիր քաղաքից 55 կիլոմետր հարավ խարիսխ գցած լցանավի հրամանատարը հայտնել է, որ պայթյունից հետո տեսել է նավից հեռացող փոքր նավակ։
Քուվեյթի Ներքին գործերի նախարարությունը հայտարարել է, որ պայթյունը տեղի է ունեցել երկրի տարածքային ջրերից դուրս։
Վերջին օրերին, Իրանում պատերազմի ֆոնին, Պարսից ծոցում, Հորմուզի նեղուցում և Օմանի ծոցում նավերի վրա բազմիցս հարձակումներ են տեղի ունեցել։
Այս սրումը հանգեցրել է նրան, որ գործնականում նավթատարներ կամ նավեր չեն անցնում ռազմավարական նշանակություն ունեցող Հորմուզի նեղուցով, որով փոխադրվում է աշխարհի նավթի մոտավորապես 20%-ը և հեղուկ բնական գազի մինչև 30%-ը։ Սա հանգեցրել է համաշխարհային էներգակիրների գների աճի։
Մարտի 4-ին Իրանը հայտարարել էր Հորմուզի նեղուցի նկատմամբ «լիակատար վերահսկողության» մասին։
Թարգմանությունը՝ Էմմա Չոբանյանի
