05.03.2026 | 12:41
«Երևան մոլ»-ի տաղավարներից մեկում բռնկված հրդեհի հետևանքով այրվել է օդաքարշ համակարգը և մեկուսիչ շերտը՝ մոտ 15 քմ
ԱՄՆ Սենատն արգելափակել է Իրանի դեմ պատերազմում Թրամփի լիազորությունները սահմանափակող բանաձևը
Քաղաքականություն
05.03.2026 | 10:56
Ամերիկյան Սենատը մերժել է պատերազմական լիազորություններ տրամադրող բանաձևը, որը նպատակ ուներ սահմանափակել ԱՄՆ նախագահ Դոնալդ Թրամփի՝ Իրանի դեմ հետագա ռազմական գործողություններ ձեռնարկելու լիազորությունները, գրում է NBC News-ը։
Քվեարկությունն ավարտվել է ձայների 53 կողմ և 47 հարաբերակցությամբ։
Վիրջինիա նահանգից սենատոր Թիմ Քեյնի ներկայացրած բանաձևը կոչ է անում «Միացյալ Նահանգների զինված ուժերը հեռացնել Իրանի ներսում կամ նրա դեմ ռազմական գործողություններից, եթե դա բացահայտորեն թույլատրված չէ պատերազմի հայտարարությամբ կամ ռազմական ուժի կիրառման հատուկ լիազորությամբ»։
Ակնկալվում է, որ Ներկայացուցիչների պալատն այսօր կմերժի նմանատիպ ռազմական լիազորությունների մասին բանաձևը։
Այս երկու քվեարկությունները Կոնգրեսի առաջին փորձերն են՝ Թրամփին զսպելու, այն բանից հետո, երբ նա անցյալ շաբաթավերջին հրամայեց հարվածներ հասցնել Իրանին։
Քվեարկությունները նաև օրենսդիրներին առաջին անգամ հնարավորություն են տվել էականորեն քննարկել Իրանի պատերազմը Ներկայացուցիչների պալատում և Սենատում: Բանաձևերի ձախողումը Թրամփին անուղղակիորեն լիազորում է շարունակել այն:
Թարգմանությունը՝ Էմմա Չոբանյանի
