10.06.2026 | 11:17
805 անձի ՀՀ քաղաքացիության տրամադրումը մերժվել է․ ՏԵՍԱՆՅՈՒԹ
Ով ցանկանում է առաջնորդ լինել, ի վերջո, զոհվում է. Թրամփը խոստանում է շարունակել Իրանի դեմ պատերազմը
Քաղաքականություն
05.03.2026 | 10:31
ԱՄՆ նախագահ Դոնալդ Թրամփը հայտարարել է, որ Միացյալ Նահանգները և Իսրայելն ամուր դիրքում են Իրանի դեմ պատերազմում՝ խոստանալով «շարունակել հարձակողական գործողությունները», գրում է BBC-ի ռուսական ծառայությունը։
Թրամփը հավելել է, որ Իրանի սպանված գերագույն առաջնորդ այաթոլլահ Ալի Խամենեիի հավանական իրավահաջորդները «ի վերջո, զոհվում են», իսկ Թեհրանի բալիստիկ հրթիռների զինանոցն «արագորեն ոչնչացվում է»։
«Մենք, մեղմ ասած, լավ ենք գործում։ Ինձ հարցրեցին, թե ինչպես կգնահատեի դա մեկից տասը սանդղակով։ Ես կասեի՝ 15։ Մենք այժմ շատ ուժեղ դիրքում ենք, և նրանց ղեկավարությունն արագորեն անհետանում է։ Բոլորը, ով ցանկանում է առաջնորդ լինել, ի վերջո, զոհվում է»,- հայտարարել է Թրամփը Սպիտակ տանը տեխնոլոգիական ընկերությունների ղեկավարների հետ հանդիպման ժամանակ։
Թրամփը կրկին պնդել է, որ գործողության պատճառը Իրանի միջուկային նկրտումներն են։
«Երբ խելագարներն ունեն միջուկային զենք, վատ բաներ են պատահում»,- հավելել է Թրամփը։
Թարգմանությունը՝ Էմմա Չոբանյանի
