10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
«Իրանը այլ ելք չուներ». Փեզեշքիանը դիմել է հարևան երկրների առաջնորդներին
Քաղաքականություն
04.03.2026 | 23:31
Իրանի նախագահ Մասուդ Փեզեշքիանը դիմել է Մերձավոր Արևելքի արաբական երկրներին և հայտարարել, որ Իրանը «այլ ելք չուներ», քան պատասխանել ԱՄՆ-ի և Իսրայելի հարձակումներին:
Փետրվարի 28-ին ԱՄՆ-ի և Իսրայելի՝ Իրանին հարվածներ հասցնելուց հետո, Թեհրանը պատասխանեց հարևան երկների ուղղությամբ հարյուրավոր հրթիռների և անօդաչու թռչող սարքերի արձակմամբ:
Հարվածներ են հասցվել նաև ամերիկյան ռազմակայաններին, ինչպես նաև Պարսից ծոցի պետություններում՝ ներառյալ Արաբական Միացյալ Էմիրություններում, Կատարում և Օմանում քաղաքացիական և էներգետիկ ենթակառուցվածքներին։
X սոցիալական ցանցում տեղադրված գրառման մեջ Փեզեշքիանը հարևան երկրներին ասել է, որ Իրանը ձգտում էր խուսափել պատերազմից ՝ հույս ունենալով նրանց օգնության վրա:
Սակայն, հավելել է՝ ԱՄՆ-ի և Իսրայելի հարձակումները Իրանին «այլ ելք չեն թողել, քան պաշտպանվել»:
Իրանի նախագահն ընդգծել է, որ հարգում է հարևան պետությունների ինքնիշխանությունը և կարծում է, որ տարածաշրջանում խաղաղությունը պետք է ապահովվի հենց տարածաշրջանի երկրների կողմից:
