27.10.2026 | 17:10
Նիդեռլանդների ԱԳ նախարարի գլխավորած պատվիրակությունն այցելել է Հայոց ցեղասպանության հուշահամալիր
Իսրայելում ամեն օր տագնապ էր․ Հայաստանի հավաքականի ֆուտբոլիստը վերադարձել է Երևան
04.03.2026 | 14:30
Հայաստանի ազգային հավաքականի ու իսրայելական «Բնեյ Սախնինի» հարձակվող Արթուր Միրանյանը պատմել է, որ արդեն վերադարձել է Երևան։ Իրանի հետ պատերազմի պատճառով Իսրայելում արտակարգ իրավիճակ է, հետաձգվել են ֆուտբոլի առաջնության բոլոր հանդիպումները։
«2 օր առաջ են լեգիոներներին դուրս հանել երկրից։ Մոտ 6-7 ժամ ավտոմեքենայով գնացել ենք մինչև Եգիպտոսի սահման, մուտք ենք գործել Եգիպտոս, այնտեղ մեկ օր մնալուց հետո եկել եմ Երևան։ Իսրայելում իրավիճակն ամբողջովին պատերազմական էր։ Ամեն օր տագնապ էր։ Պատերազմի առաջին օրը ես արթնացել եմ տագնապի ազդանշաններից։
Ամենից շատ ռմբակոծություններ Հայֆա քաղաքում էր, որտեղ կատարվածը լսվում էր նաև մեր քաղաքում։ Շատ վտանգավոր էր այնտեղ մնալը, հուսանք, որ ամեն ինչ շուտ կավարտվի, կվերադառնամ ու կանցնենք բնականոն կյանքի»,- Արթուր Միրանյանի խոսքը մեջբերում է Sportmedia.am-ը։
Արթուր Միրանյանը 2025թ․ ամռանը ռումինական «Ունիվերսիտատեա Կլուժից» է տեղափոխվել «Բնեյ Սախնին», որի հետ կնքել է 1 տարվա պայմանագիր։ Հարձակվողը Հայաստանի հավաքականում նորամուտը նշել է 2019 թվականին, մասնակցել է 18 խաղի ու խփել 1 գոլ:
