27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Ալիևն այցելել է Բաքվում Իրանի դեսպանատուն և ցավակցություն հայտնել Խամենեիի մահվան կապակցությամբ
Քաղաքականություն
04.03.2026 | 22:14
Ադրբեջանի նախագահ Իլհամ Ալիևն այցելել է Բաքվում Իրանի դեսպանատուն և ցավակցություն հայտնել Իսլամական Հանրապետության գերագույն հոգևոր առաջնորդ այաթոլլահ Ալի Խամենեիի և բազմաթիվ քաղաքացիական անձանց մահվան կապակցությամբ։ Ադրբեջանական լրատվամիջոցների հաղորդմամբ՝ նրան դիմավորել է Ադրբեջանում Իրանի դեսպան Մոջթաբա Դեմիրչիլուն։
Ադրբեջանի նախագահը գրառում է կատարել ցավակցությունների գրքում, այնուհետև զրուցել է դեսպանի հետ։
Իլհամ Ալիևը նշել է, որ միշտ ամենահաճելի զգացողություններով կհիշի այաթոլլահ Ալի Խամենեիի հետ իր հանդիպումները Իրան կատարած այցերի ընթացքում։
Մոջթաբա Դեմիրչիլուն շնորհակալություն է հայտնել դեսպանատուն այցի և ցավակցություն հայտնելու համար։
Թարգմանությունը՝ Էմմա Չոբանյանի
